جۋىردا پارلامەنت ءماجىلىسىنىڭ دەپۋتاتتارى باقىت سىزدىقوۆا مەن جاقىپ اسانوۆ استانا قالاسىنداعى ەكىنشى قازاقستان-گەرمانيا فورۋمىنا كەلگەن جاستار دەلەگاتسياسىن قابىلدادى, دەپ حابارلادى وسى پالاتانىڭ ءباسپاسوز قىزمەتى.
ايتا كەتۋ كەرەك, مەيمانداردىڭ ىشىندە كوممەرتسيالىق ەمەس ۇيىمداردىڭ جاستارمەن جانە الەۋمەتتىك ماسەلەلەر سالاسى جانە ونى زەردەلەۋ جۇمىستارى جونىندەگى حالىقارالىق فەدەراتسيانىڭ, تەحنيكالىق كومەك بەرۋ فەدەرالدىق اگەنتتىگىنىڭ, وتباسى, قارتايعان ادامدار, ايەلدەر مەن جاستار ءىسى جونىندەگى فەدەرالدىق مينيسترلىگىنىڭ, بىرقاتار گەرمانيالىق ۇكىمەتتىك ەمەس ۇيىمداردىڭ وكىلدەرى بولدى.
دەپۋتاتتار مەيماندارعا قازاقستان تۋرالى, ەل پارلامەنتىنىڭ قۇرىلىمى جايلى جان-جاقتى اڭگىمەلەپ بەردى. ەلىمىزدەگى گەندەرلىك ساياسات جونىندە دە ءسوز بولدى. نەگىزگى تاقىرىپ جاستار ساياساتى توڭىرەگىندە ءوربىدى. باقىت سىزدىقوۆا ءوزى جەتەكشىلىك ەتەتىن «جاستار پارلامەنتى», ونىڭ اتقارىپ وتىرعان قىزمەتى تۋرالى بايانداپ ءوتتى. جاستار ساياساتىن زاڭنامالىق قامتاماسىز ەتۋ تۋرالى ءسوز قوزعالعاندا ءماجىلىس دەپۋتاتتارى بۇگىنگى تاڭدا جاستاردىڭ ماسەلەسىن شەشۋگە باعىتتالعان جاڭا زاڭ جوباسى ازىرلەنىپ جاتقانىن حابارلادى.
پىكىر الماسۋ تۇرىندە وتكەن كەزدەسۋدە ۇكىمەتتىك ەمەس ۇيىمداردىڭ قوعامداعى ءرولى جايلى اڭگىمە بولدى. دەپۋتات جاقىپ اسانوۆ ءوز سوزىندە اتالعان سالانى دامىتۋعا باعىتتالعان زاڭدى جەتىلدىرۋدىڭ ناتيجەسىندە مەملەكەتتىك الەۋمەتتىك تاپسىرىس ارقىلى ۇەۇ-نى بيۋدجەتتەن قارجىلاندىرۋ سوڭعى جىلدارى ون ەسە وسكەنىن تىلگە تيەك ەتتى. تاراپتار قازاقستان-گەرمانيا اراسىنداعى قارىم-قاتىناستى, ونىڭ ىشىندە جاستار ساياساتىنا قاتىستى تاجىريبە الماسۋدى جانە پارلامەنتارالىق بايلانىستى دامىتۋ قاجەتتىگىن ايتتى.
گەرمانيادان كەلگەن مەيماندار ءماجىلىس ءۇيىن ارالاپ كورىپ, سۋرەتكە ءتۇستى.
ايتا كەتۋ كەرەك, مەيمانداردىڭ ىشىندە كوممەرتسيالىق ەمەس ۇيىمداردىڭ جاستارمەن جانە الەۋمەتتىك ماسەلەلەر سالاسى جانە ونى زەردەلەۋ جۇمىستارى جونىندەگى حالىقارالىق فەدەراتسيانىڭ, تەحنيكالىق كومەك بەرۋ فەدەرالدىق اگەنتتىگىنىڭ, وتباسى, قارتايعان ادامدار, ايەلدەر مەن جاستار ءىسى جونىندەگى فەدەرالدىق مينيسترلىگىنىڭ, بىرقاتار گەرمانيالىق ۇكىمەتتىك ەمەس ۇيىمداردىڭ وكىلدەرى بولدى.
دەپۋتاتتار مەيماندارعا قازاقستان تۋرالى, ەل پارلامەنتىنىڭ قۇرىلىمى جايلى جان-جاقتى اڭگىمەلەپ بەردى. ەلىمىزدەگى گەندەرلىك ساياسات جونىندە دە ءسوز بولدى. نەگىزگى تاقىرىپ جاستار ساياساتى توڭىرەگىندە ءوربىدى. باقىت سىزدىقوۆا ءوزى جەتەكشىلىك ەتەتىن «جاستار پارلامەنتى», ونىڭ اتقارىپ وتىرعان قىزمەتى تۋرالى بايانداپ ءوتتى. جاستار ساياساتىن زاڭنامالىق قامتاماسىز ەتۋ تۋرالى ءسوز قوزعالعاندا ءماجىلىس دەپۋتاتتارى بۇگىنگى تاڭدا جاستاردىڭ ماسەلەسىن شەشۋگە باعىتتالعان جاڭا زاڭ جوباسى ازىرلەنىپ جاتقانىن حابارلادى.
پىكىر الماسۋ تۇرىندە وتكەن كەزدەسۋدە ۇكىمەتتىك ەمەس ۇيىمداردىڭ قوعامداعى ءرولى جايلى اڭگىمە بولدى. دەپۋتات جاقىپ اسانوۆ ءوز سوزىندە اتالعان سالانى دامىتۋعا باعىتتالعان زاڭدى جەتىلدىرۋدىڭ ناتيجەسىندە مەملەكەتتىك الەۋمەتتىك تاپسىرىس ارقىلى ۇەۇ-نى بيۋدجەتتەن قارجىلاندىرۋ سوڭعى جىلدارى ون ەسە وسكەنىن تىلگە تيەك ەتتى. تاراپتار قازاقستان-گەرمانيا اراسىنداعى قارىم-قاتىناستى, ونىڭ ىشىندە جاستار ساياساتىنا قاتىستى تاجىريبە الماسۋدى جانە پارلامەنتارالىق بايلانىستى دامىتۋ قاجەتتىگىن ايتتى.
گەرمانيادان كەلگەن مەيماندار ءماجىلىس ءۇيىن ارالاپ كورىپ, سۋرەتكە ءتۇستى.
