ۇكىمەت باسشىسى الدىمەن كۇردەلى جوندەۋدەن كەيىن حالىقارالىق تالاپتارعا سايكەستەندىرىلگەن پەتروپاۆل اۋەجايىنىڭ الەۋەتتىك مۇمكىندىكتەرىمەن تانىستى. بۇدان كەيىن ب. ساعىنتاەۆتىڭ جۇمىس ساپارى قىزىلجار اۋدانىنداعى «زەنچەنكو جانە ك» كومانديتتىك سەرىكتەستىگىندە جالعاستى. مۇندا اوك دامىتۋ مەملەكەتتىك باعدارلاماسى شەڭبەرىندە قۋاتتى جوبالار قولعا الىنىپ, وندىرىستىك ۇدەرىستەر تولىق اۆتوماتتاندىرىلعان. عىلىمنىڭ وزىق ادىستەرى ەگىنشىلىكتە, مال شارۋاشىلىعىندا, ونىمدەردى قالدىقسىز وڭدەۋدە, مينەرالدىق تىڭايتقىشتار سىڭىرۋدە دە كەڭىنەن قولدانىلادى. سۇتتەن جاسالعان ءونىمنىڭ وتىزدان استام تۇرلەرى ەلىمىزبەن قاتار رەسەيگە جونەلتىلەدى.
وسىنداعى ەڭسەلى مادەنيەت ۇيىندە اقمولا, قوستاناي, پاۆلودار, قاراعاندى, سولتۇستىك قازاقستان وبلىستارى اۋىل شارۋاشىلىق تاۋار وندىرۋشىلەرىنىڭ قاتىسۋىمەن رەسپۋبليكالىق جيىن ءوتىپ, اگروونەركاسىپ كەشەنىنىڭ 2020 جىلعا دەيىنگى دامۋىنىڭ جاڭا باعدارلاماسىنىڭ جۇزەگە اسىرىلۋ جايى تالقىلاندى.
پرەمەر-مينيستر ءوز سوزىندە پرەزيدەنت بيىلعى جولداۋىندا ۇكىمەت الدىنا قازاقستاننىڭ اگروونەركاسىپتىك كەشەنىن ودان ءارى ىلگەرى باستىرۋدىڭ, الەمدەگى ءىرى اگرارلىق ەكسپورتتىق ءونىم وندىرۋشىلەر ساپىنا قوسىلۋدىڭ كەلەلى تاپسىرمالارىن جۇكتەگەنىن, بۇل ورايدا, قولايلى مۇمكىندىكتەردى ءتيىمدى پايدالانۋدىڭ جاي-جاپسارىنا توقتالدى. مەملەكەتىك باعدارلامالاردا قاراستىرىلعان نەگىزگى تەتىكتەر اۋىل شارۋاشىلىعىن تۇبەگەيلى جاڭعىرتۋدى كوزدەيدى. سوڭعى 5 جىلدا تىكەلەي مەملەكەتتىك قولداۋ شارالارى 3 ەسە ارتىپ, سۋبسيديالاۋدىڭ سونى ۇلگىسىن ەنگىزۋدىڭ ناتيجەسىندە ساپالى تۇقىمدار مەن تىڭايتقىشتاردى قولدانۋ مولشەرى 1,5 ەسە ءوستى. «ازىق-ت ۇلىك» كورپوراتسياسى اق ەكسپورتتىق الەۋەتتى ارتتىرۋ ءۇشىن سىرتقى نارىقتاردا وتاندىق اۋىل شارۋاشىلىق ونىمدەرىن ىلگەرىلەتۋ بويىنشا وپەراتور رەتىندە قايتا قۇرىلدى. مەملەكەت باسشىسىنىڭ ۋاعدالاستىقتارىنىڭ ارقاسىندا شەتەلدىك نارىقتار اشىلۋدا. ولاردىڭ قاتارىندا قحر, باە, يران, تاعى باسقا ەلدەر بار.
اوك دامىتۋ مەملەكەتتىك باعدارلاماسىن ورىنداۋدىڭ جارتىجىلدىق قورىتىندىلارى جايلى پرەمەر-ءمينيستردىڭ ورىنباسارى-اۋىل شارۋاشىلىق ءمينيسترى اسقار مىرزاحمەتوۆ باياندادى. ونىڭ ايتۋىنشا وتكەن جىلعا قاراعاندا اۋىل شارۋاشىلىعىنىڭ جالپى ءونىمى 3,1, اۋىز-ت ۇلىك ونىمدەرىنىڭ ءوندىرىسى 7,5 پايىزعا وسكەن. بيىل سۋبسيديالاردىڭ ءۇش ءتۇرىن تاعايىنداۋ ۇدەرىستەرىن اۆتوماتتاندىرۋ كوزدەلگەن. كەلەسى جىلى جۇمىس ونىڭ 15 ءتۇرى بويىنشا اياقتالادى.
ايماق باسشىسى قۇمار اقساقالوۆ ءوز ەسەبىندە رەسپۋبليكا بويىنشا وسىرىلەتىن مايلى داقىلدار كولەمى وبلىستا 55 پايىزدى قۇرايتىنىن, كەلەسى جىلى ءبىر ميلليون گەكتارعا دەيىن جەتكىزۋ مىندەتى تۇرعانىن, مينەرالدىق تىڭايتقىشتاردى قولدانۋ ەكى ەسە كوبەيگەنىن, سوڭعى ءۇش جىلدا 30 ميلليارد تەڭگەنىڭ 500 بىرلىك تەحنيكاسى ساتىپ الىنعانىن, وتاندىق ونىمدەرگە باسىمدىق بەرىلىپ وتىرعانىن, قايتا وڭدەۋ بويىنشا 24 جوبا ىسكە قوسىلعانىن, ەكسپورتقا شىعارىلاتىن اۋىل شارۋاشىلىق ونىمدەرى 24,4 ميلليون دوللارعا جۋىقتاعانىن جەتكىزدى.
جيىندا سويلەگەن فەرمەرلەر, «اتامەكەن» ۇكپ كەڭەسىنىڭ مۇشەلەرى شاعىن جانە ورتا بيزنەستى دامىتۋ, جۇمىسپەن قامتۋ, ەلدى مەكەندەردە كاسىپكەرلىكتى وركەندەتۋ, سۋبسيديالاردىڭ قولجەتىمدىلىگىن ارتتىرۋ, قازاقستاندىق مازمۇننىڭ ۇلەسىن مولايتۋ,ء ونىم ساپاسى مەن قولجەتىمدى باعانى تۇراقتاندىرۋ, الەۋمەتتىك-كاسىپكەرلىك كورپوراتسيالاردىڭ وكىلەتتىگىن كەڭەيتۋ, وندىرىستىك كووپەراتيۆتەردى كوبەيتۋ, ۆەتەرينارلىق قاۋىپسىزدىك شارالارى, ديزەلدىك وتىن مەن تىڭايتقىشداردىڭ قولجەتىمدىلىگىن قالىپتاستىرۋ, تاعى باسقا ماسەلەلەردى سوز ەتىپ, ءوز ويلارىن ورتاعا سالدى.
ۇكىمەت باسشىسى اوك سالاسىندا مەملەكەتتىك قىزمەتتەر ۇسىنۋ ۇدەرىستەرىن وڭتايلاندىرۋ, قۇجاتتاردىڭ مەرزىمدەرى مەن تىزىمدەرىن قىسقارتۋ, تەحنولوگيالىق جاڭعىرتۋ, يدمب-2 ىسكە اسىرۋ, ينۆەستيتسيالار تارتۋ ماسەلەلەرى بويىنشا بىرقاتار تاپسىرمالار جۇكتەدى. ءتيىستى ۆەدوموستۆو باسشىلارىنا اۋىل شارۋاشىلىق تاۋار وندىرۋشىلەر مەن وتاندىق اۋىل شارۋاشىلىق تەحنيكاسىن وندىرۋشىلەرگە سالىق سالۋ ماسەلەسىن پىسىقتاۋدى, سۋبسيديالاۋ ماسەلەلەرىن جەتىلدىرە ءتۇسۋدى, اگرارشىلار ۇسىنعان ينۆەستيتسيالىق جوبالاردى قايتا قاراۋدى تاپسىردى.
ب. ساعىنتاەۆ وبلىستاعى جۇمىس ساپارى بارىسىندا پەتروپاۆل اۋىر ماشينا جاساۋ زاۋىتىنىڭ تىنىس-تىرشىلىگىمەن تانىسىپ, جۇمىسشىلارمەن كەزدەستى. بيىل كوكتەمدە بولعان قارعىن سۋدان كوپ زارداپ شەككەن زارەچنىي كەنتىندە بولىپ, سۋ تاسقىندارىنىڭ الدىن الۋ, زارداپتارىن جويۋ ماسەلەلەرى بويىنشا كوشپەلى كەڭەس وتكىزدى.
ءومىر ەسقالي,
«ەگەمەن قازاقستان».
