قر ۇلتتىق ۇلانى «شىعىس» وڭىرلىك قولباسشىلىعىنىڭ, باسپاسوزبەن بايلانىس قىزمەتىنىڭ باستىعى باعدات امانگەلدىنىڭ ايتۋىنشا, بايقاۋعا قر ۇلتتىق ۇلانى «شىعىس» وڭىرلىك قولباسشىلىعىنگا قاراستى 5511(سەمەي), 6679 (پاۆلودار), 5518, 3477, 6699 (وسكەمەن), 3514 (كۋرچاتوۆ) اسكەري بولىمدەرىنەن كەلگەن اسكەري قىزمەتشىلەرى قاتىسىپ وتىر. بايقاۋ ءۇش كەزەڭنەن تۇرادى.
بايقاۋعا قر ۇلتتىق ۇلانى «شىعىس» وڭىرلىك قولباسشىلىعى قولباسشىسىنىڭ تاربيە جانە الەۋمەتتىك-قۇقىقتىق جۇمىستارى جونىندەگى ورىنباسارى, قازىلار القاسىنىڭ توراعاسى, پولكوۆنيك نيازتاي الكەشەۆ, قر ۇلتتىق ۇلانى باس قولباسشىلىعىنىڭ تاربيە جانە الەۋمەتتىك قۇقىقتىق جۇمىستارى باس باسقارماسىنىڭ ءتىل ساياساتى جانە اقپارات ءبولىمىنىڭ اعا وفيتسەرى كاپيتان جاناربەك مۇقاتوۆ جانە تاعى باسقالارى قازىلىق ەتتى.
بايقاۋ قورىتىندىسى بويىنشا وسكەمەن قالاسىنداعى 3477 اسكەري ءبولىمىنىڭ كەلىسىم-شارت بويىنشا قىزمەتشىسى, قاتارداعى ەۆگەني وتادچي جۇلدەلى ءبىرىنشى ورىندى يەلەنسە, 5518 اسكەري ءبولىمىنىڭ كىشى سەرجانتى كونستانتين يۆاشكەۆيچ ەكىنشى ورىنعا شىقتى. ال پاۆلودار قالاسىنداعى 6679 اسكەري ءبولىمى اتىنان باق سىناعان قاتارداعى اندرەي سەدۋنوۆ قازاقستان رەسپۋبليكاسى ۇلتتىق ۇلان باس قولباسشىسىنىڭ بۇيرىعىمەن ءۇشىنشى دارەجەلى ديپلوم جانە باعالى سىيلىقپەن ماراپاتتالدى.
ايتا كەتۋ كەرەك, جۇلدەلى ءبىرىنشى ورىننان كورىنە بىلگەن وسكەمەن قالاسىنداعى 3477 اسكەري ءبولىمىنىڭ كەلىسىم-شارت بويىنشا قىزمەتشىسى, قاتارداعى ەۆگەني وتادچي ۆياچەسلاۆوۆيچ كۇزدە قر ۇلتتىق ۇلانى باس قولباسشىلىعىنىڭ ۇيىمداستىرۋىمەن وتەتىن «مەملەكەتتىك ءتىل –مەنىڭ ءتىلىم» اتتى رەسپۋبليكالىق بايقاۋعا قاتىساتىن بولدى.
راۋشان نۇعمانبەكوۆا
سەمەي قالاسى
