امەريكا انشلاگى

«پرەزيدەنتتىڭ باستاماسى فيلمدە كورىنىس تاپتى». 6 قازان كۇنى «يزۆەستيا» گازەتىنىڭ ءبىرىنشى بەتىندە وسىنداي تاقىرىپپەن شاعىن ماقالا جاريالاندى. وندا وتكەن سەيسەنبى كۇنى نيۋ-يوركتە مەملەكەت باس­شى­سى نۇرسۇلتان نازارباەۆتىڭ  الەمدىك جانە ءداستۇرلى ءدىن­دەر كوشباس­شى­لارى­نىڭ سەزىن وتكىزۋ جونىندەگى باس­تاماسىنا وراي تۇسىرىلگەن «دالا ارقىلى ءۇن­قاتىسۋ» دەرەكتى ءفيلمىنىڭ پرەمەراسى كورسەتىلگەنى كولدەنەڭ تارتىلادى. بەلگىلى گولليۆۋد اكتەرى جانە رەجيسسەرى ارماندو اسسانتە مەن قازاق­ستاننىڭ تۋما­سى ەركىن جالعاسوۆتىڭ بىرلەسىپ تۇسىرگەن فيلمىندە قازاق­ستان تاريحىنىڭ دەرەكتەرى مەن ءتۇرلى حالىقارالىق قايراتكەرلەردىڭ پىكىرلەرى ۇسىنىلعان. قازاقستانعا بىرنەشە مارتە كەلىپ ۇلگەرگەن ا.اسسانتەنىڭ اي­تۋىنشا, ەل­دىڭ تاريحى, ونىڭ تاۋەلسىزدىگىنىڭ قا­لىپ­تاسۋ ۇدە­رىستەرى مەن بۇل ىستەگى پرە­زيدەنت نۇرسۇلتان نازارباەۆتىڭ ءرولى رەجيسسەرگە ۇلكەن اسەر ەتكەندىكتەن, وسىنداي فيلم ءتۇسىرۋ تۋرالى  يدەيا ويانعان. «يزۆەستيا» گازەتىنىڭ جازۋ­ىن­شا, «نەيشنل بوگەميان حولل» كينوتەا­ترىن­دا ۇيىمداستى­رىل­­عان دەرەكتى ءفيلمنىڭ تۇ­ساۋ­كە­سە­رىندە بوس ورىن بول­ماعان. اقش مەملەكەتتىك دەپارتامەنتىنەن, ديپلوماتيا­لىق كورپۋستان, امەريكالىق جانە حالىق­ارا­لىق قوعامدىق ۇيىمداردان, كينويندۋستريادان جانە بۇقا­را­لىق اقپارات قۇرالدارىنان كورەرمەندەر كۇتكەن­دە­گىدەن انا­عۇرلىم كوپ جينالعان. پرە­مەرانى كورىپ بولعاننان كەيىن ولار «دالا ارقىلى ۇنقاتىسۋ» في­لمى قازاقستاننىڭ تاريحى مەن قول جەتكىزگەن جەتىستىكتەرىنە جا­ڭا­شا قا­راۋ­عا مۇمكىندىك بەرگەنىن اتاپ ايتقان. پرەمەرانىڭ قازاقستان رەس­پۋب­لي­كاسىنىڭ نيۋ-يورك­تە­گى باس كونسۋل­دىعىنىڭ كو­مە­گىمەن ۇيىمداستىرىل­عانىن دا ايتا كەت­كەن ءجون. دەرەكتى فيلم­­نىڭ تۇساۋكەسەرىنە كەلگەن مەيماندار سونداي-اق ەل تاۋەل­سىزدىگىنىڭ 20 جىلدىعى, ونىڭ تابىستارى, تولە­رانت­تىلىق ءداس­تۇرلەرىنىڭ باستاۋى تۋ­رالى حاباردار ەتىلدى. بۇعان قازاق­ستان­عا ارنالعان فوتوكورمە دە سەپتىگىن تيگىزدى. «ەگەمەن-اقپارات».