كوپ پىكىرىنىڭ كومەگى كوپ

كەشە ەلوردادا بەيبىتشىلىك جانە كەلىسىم سارايىندا تمد مەملەكەتتەرى جولشىلارىنىڭ ۇكىمەتارالىق كەڭەسىنىڭ ءحححىى وتىرىسى بولىپ ءوتتى. ونى ەلىمىزدىڭ كولىك جانە كوممۋنيكاتسيا مي­نيسترى بەرىك كاماليەۆ جۇرگىزىپ وتىردى. استاناعا اتباسىن ءتى­رەگەن ارىپتەستەرىن قۇتتىقتاعان ۆەدومستۆو باسشىسى ولارعا پرەمەر-مينيستر كارىم ءماسىموۆتىڭ قۇتتىقتاۋ حاتىن وقىپ بەردى. بۇل باسقوسۋدا تمد ەلدەرىنىڭ جول شارۋاشىلىعىنىڭ نورماتيۆتىك بازاسىن جەتىلدىرۋ ماسەلە­لە­رى تالقىلانىپ, تمد حالىق­ارا­لىق اۆتوموبيل جولدارى جانە ولاردىڭ شەكارالاس مەملەكەتتەر شەكارالارىنا كەلۋىن دا­مى­تۋ تۋرالى حاتتامانى ىسكە اسى­رۋ ناتيجەلەرى قارالدى. سونداي-اق, اسسوتسياتسيالانعان كەڭەس ءمۇ­شە­لەرىنە يننوۆاتسيالىق تەحنولو­گيا­لاردى ەنگىزۋ ماسەلەسى قارال­دى. بۇل ماسەلەنى تالقىلاۋ بارى­سىندا تمد ەلدەرىندە مامان­دان­دىرىلعان سەمينارلار مەن كور­مە­لەر وتكىزۋ كەزىندە يننوۆا­تسيا­لىق شەشىمدەردى كەڭ جانە ءتيىمدى ۇسىنۋدى قامتاماسىز ەتىلۋى بەلگىلەندى. اتالعان ۇكىمەتارالىق سالا­لىق ورگاننىڭ باستى ماقساتى – جالپى قولدانىستاعى اۆتوموبيل جولدارى جەلىسىن دامىتۋ مەن جەتىلدىرۋ, جول ۇيىمدارىنىڭ ءون­دىرىس­تىك جانە عىلىمي-تەحني­كالىق الەۋەتىن تولىق پايدالانۋ ءۇشىن جاعدايلار جاساۋعا سايادى. سونىمەن قاتار, كەلىسىلگەن جول ساياساتىن جۇرگىزۋدەگى ۇكىمەتتىڭ كۇش-جىگەرىنە, ينتەگراتسيالىق ءۇر­دىس­تەردىڭ تەرەڭدەۋىنە جانە كادر­لاردى دايارلاۋ دەڭگەيىن كوتەرۋگە قولداۋ كورسەتۋ بولىپ تابىلادى. مۇنان كەيىن جولشىلاردىڭ ۇكى­مەت­ارالىق كەڭەسى «حالىقارالىق كولىك دالىزدەرىنىڭ يننوۆاتسيالىق دامۋى» تاقىرىبىندا حالىقارا­لىق عىلىمي-تاجىريبەلىك كونفە­رەن­تسياسىمەن ءوز جالعاسىن تاپتى. بيىلعى جىلى تمد-نىڭ 20 جىلدىعىن تويلاۋعا بايلانىستى كەڭەس وسى وقيعاعا ارنالعان ءبىر­قا­تار ءىس-شارالار وتكىزۋدى نازاردا ۇستاعان. ونىڭ ىشىندە, قازىرگى كۇنى استاناداعى «كورمە» كور­مەلەر كەشەنىندە ءوتىپ جاتقان VIII «قازاۆتوجول-2011» حالىقارالىق كورمەسى بار. سونىمەن بىرگە ايتۋلى داتاعا وراي الداعى ۋا­قىت­تا II «جول» حالىقارالىق ما­مانداندىرىلعان كورمە-فورۋم (ماسكەۋ), «تاۋەلسىز مەملەكەتتەر دوستاستىعىنا 20 جىل» اتتى حا­لىقارالىق عىلىمي-تاجىريبەلىك كونفەرەنتسيا (مينسك) جانە تمد مەملەكەتتەرىندەگى «تمد اپتا­سى» ءىس-شارالارىن وتكىزۋ جوسپارلانعان. ءابدىراحمان قىدىربەك.