ەلدىك مۇددەدەن تۋعان ءىس

ەلباسى نۇرسۇلتان نازارباەۆ حالىققا ارناعان جولداۋىندا سالاماتتى ءومىر سالتىن قالىپتاستىرۋعا بيزنەس وكىلدەرىنىڭ دە اتسالىسۋى قاجەتتىگىن ەرەكشە اتاپ وتكەن ەدى. وسىعان وراي جاقىندا «ازىق-ت ۇلىك كەلىسىم-شارت كورپوراتسياسى» ۇك» اق سول­تۇس­تىك قازاقستان وبلىسى, ع.مۇسىرەپوۆ اۋدانى, نوۆويشيمكا ەلدى مەكەنىندە قۇنى 6 ميلليون تەڭگەنى قۇراعان جاڭا جابىق فۋتبول ستاديونىن سالىپ, پايدالانۋعا بەردى. ستاديوندا زاماناۋي كوگال جامىلعىسى توسەلگەن. سونىمەن قاتار, جاس جەتكىنشەكتەر تەڭبىل دوپتى ارمانسىز كۇندىز-ءتۇنى تەبۋى ءۇشىن وندا جيىرما ءتورت ساعاتتىق ارنايى جارىق بەرۋ قوندىرعىسى دا ورناتىلدى.  كورپوراتسيانىڭ باس­قارما توراعاسى بەيبىتحان قابدىراحمانوۆتىڭ ايتۋى بويىن­شا, بۇل ولاردىڭ قازاقستان ءتا­ۋەلسىزدىگىنىڭ 20 جىلدىعىنا وراي قولعا العان العاشقى جۇمىسى, بولاشاقتا اتالمىش ەلدى مەكەندە ستاديونعا ىرگەلەس مۇز ايدىنى كەشەنىن سالۋ جوسپارلانۋدا. «ازىق-ت ۇلىك كەلىسىم-شارت كور­پوراتسياسى» ۇك» اق سوناۋ 1995 جى­لى قازاقستان رەسپۋبليكاسى مينيسترلەر كابينەتىنىڭ قاۋلى­سى­­مەن مەملەكەتتىك ازىق-ت ۇلىك كەلىسىم-شارت كورپوراتسياسى رەتىندە قۇرىلعان ەدى.  ال 1997 جىلى وسى كورپوراتسيا اكتسيونەرلىك قو­عام­عا اينالعانى بەلگىلى. سودان بەرى مۇشەل جاستى وتكەرگەن كورپوراتسيا ون ءتورت جاسقا تولىپ, دامۋ ءۇردىسىنىڭ ءبىر بەلەسىنەن استى. كورپوراتسيا ەل ەكونوميكاسىنىڭ نەگىزگى سالالارىنداعى وزەكتى  سترا­تەگيالىق مەملەكەتتىك ماسە­لە­لەردى شەشەتىن ون ەكى اكتسيونەرلىك قوعامنىڭ قاتارىنا قوسىلدى. كورپوراتسيا بيدايدىڭ مەملەكەتتىك قورىن جاساقتاپ, جاڭارتىپ قانا قويماي, ونى شەتەلگە ەكس­پورتتاۋمەن اينالىسادى. قازاقستاننىڭ اۋىل شارۋاشى­لىعى سوڭعى ون جىلدا تۇبەگەيلى وزگەرىپ,  جاڭا سەرپىن الدى. ەلى­مىز­دىڭ ەكونوميكاسى ىلگەرى جىل­جىپ, حالىق تۇرمىسى تۇزەلدى. «ازىق-ت ۇلىك كەلىسىم-شارت كور­پوراتسياسى» ۇك» اق سياقتى كور­پو­را­تسيا­لاردىڭ وسىلايشا دامۋى, ەڭ الدىمەن مەملەكەتتىڭ وركەن­دە­ۋىنىڭ كورسەتكىشى بولىپ تابىلادى. گەتە ايتقانىنداي, ەڭ ۇزدىك ۇكىمەت – ازاماتتاردى ءوزىن-ءوزى باسقارۋعا ۇيرەتەتىن ۇكىمەت. بيزنەس قۋاتتى بولسا, مەملەكەت تە قۋاتتى بولماق. مىنە, سوندىقتان دا ەل ساياساتىنىڭ شىنايىلى­لىعى, تاۋەلسىزدىكتىڭ 20 جىلدىعى قارساڭىندا جوسپارلانىپ, اتقا­رى­لىپ جاتقان ىستەر ۇلگىسىندە انىق كورىنىس تابۋدا. تاۋەلسىزدىك مەرەيتويى مەملەكەت تاريحىنداعى  جارقىن وقيعا بولماق. سەبەبى, ول – تاۋەلسىزدىك جىلدارىندا ءجۇرىپ وتكەن جولى­مىزدىڭ قورىتىندىسى. سوندىق­تان دا تاۋەلسىزدىكتىڭ 20 جىلدى­عىنا بايلانىستى «بەيبىتشىلىك پەن جاسام­پازدىقتىڭ جيىرما جىل­دىعى» جالپىۇلتتىق جوسپا­رى جاسا­لىپ, باستى باسىمدىقتار اي­قىندالدى. مەرەيتويدى لايىق­تى وتكىزۋگە ءوز ۇلەسىن قوسۋ اركىم­نىڭ ازاماتتىق پارىزى دەپ ساناي­تىن ەلباسى  ۇكىمەتكە «سامۇرىق-قازى­نا» ۇلتتىق ءال-اۋقات قورى» اق-پەن بىرلەسىپ قازاقستاندىق كومپانيالار تاراپىنان مەرەي­تويدى لايىق­تى دەڭگەيدە وتكىزۋگە اتسالىسىپ, دەمەۋشىلىك قولداۋ كورسەتۋ  ماسە­لەسىن پىسىقتاۋدى تاپسىردى. ەندەشە,  «ازىق-ت ۇلىك كەلىسىمشارت كورپوراتسياسى» ۇك» اق جوسپارلاپ, اۋىل جاستارىنىڭ بۇقارا­لىق سپورتپەن اينالىسۋى­نا تارتۋ ەتكەن جابىق فۋتبول ستاديونى دا ءسوزسىز ەلدىك مۇددە­دەن تۋعان ءىس. جازيرا بايدالى.