- سول جاعالاۋدا سالىناتىن قازاق ورتالىق اتقارۋ كوميتەتىنىڭ (كازتسيك) تاريحي عيماراتىندا مۋزەيمەن بىرگە ەلباسىنىڭ رۋحاني جاڭعىرۋ باعدارلاماسىنان تۋىندايتىن مىندەتتەردى جۇزەگە اسىراتىن ايماقتىق رۋحاني جاڭعىرۋ ورتالىعى قاتار ورنالاساتىن بولادى. قازاق حالقىنىڭ ءوسىپ-وركەندەۋىندەگى اراداعى ءبىر عاسىرلىق ۋاقىت وسىلايشا ءبىر-بىرىمەن ساباقتاسىپ, رۋحاني جالعاسىن تاپپاق, - دەدى وبلىس اكىمى.
سونىمەن بىرگە, سىرداريا وزەنىنىڭ سول جاعالاۋىنان جاستار رەسۋرستىق ورتالىعىنىڭ جاڭا عيماراتى بوي كوتەرەدى. جاڭا ورتالىق جاستاردىڭ جان-جاقتى دامۋ ماسەلەلەرىمەن اينالىساتىن بولادى.
وبلىس اكىمىنىڭ ايتۋىنشا, "ەكسپو-2017" حالىقارالىق كورمەسى اياسىندا قورقىت اتا مەموريالدى كەشەنىندە اشىلعان ەتنواۋىلدى بۇگىنگى تاڭدا رەسپۋبليكا وڭىرلەرىنەن عانا ەمەس, رەسەي, گوللانديا, فرانتسيا, گەرمانيا, جاپونيا, پولشا سياقتى شەت مەملەكەتتەردەن دە تۋريستەر كەلىپ, تاماشالاۋدا. قوناقتار قازاق حالقىنىڭ سالت-داستۇرىمەن تانىسىپ قانا قويماي, قورقىت اتا تۋرالى مالىمەتتەر الۋدا. بۇل - قىزىلوردا وبلىسىن, سىر ەلىن, قازاق حالقىن شەت مەملەكەتتەرگە تانىتۋعا بىردەن-ءبىر مۇمكىندىك بولماق.
