«تۇرعىنداردىڭ ءوز كۇشىمەن سالىنعان تۇرعىن ءۇي كولەمى دە 74% وسكەندىگىن اتاپ وتكەن ءجون. وسىعان قاراپ حالىقتىڭ جالپى ءومىر ءسۇرۋ دەڭگەيىن پايىمداۋعا بولادى. بيىل «قىزىلوردا-جەزقازعان» تاس جولىنىڭ بويىنان تاعى 150 گەكتار اۋماققا ەگجەي-تەگجەيلى جوسپارلانعان جوبا دايىندالدى. بۇل 1200 وتباسىعا جەكە تۇرعىن ءۇي سالۋعا مۇمكىندىك بەرەدى», دەپ اتاپ ءوتتى اكىم.
تۇرعىندارعا نەسيەلىك تۇرعىن ءۇيدى بارىنشا قولجەتىمدى ەتۋ ءۇشىن «قازاقستاننىڭ تۇرعىن ءۇي قۇرىلىس جيناق بانكى» اق نەسيەلەرىن بەرۋدە العاشقى تولەمدى 30%-دان 15%-عا دەيىن تومەندەتۋ جونىندە ماسەلە قاراستىرىلۋدا.
«حالىقتىڭ الەۋمەتتىك جاعىنان از قامتىلعان بولىگىنىڭ مۇددەلەرىن قورعاۋ ماقساتىندا جاڭا تۇرعىن ۇيگە ورنالاستىرۋ ۋاقىتىن سوزىپ وتىرمىز. وبلىس اكىمدىگى بۇل ماسەلەدە ۇكىمەت تاراپىنان قولداۋ بولادى دەپ ۇمىتتەنەدى, ويتكەنى, بۇل جاعداي وزگە وڭىرلەرگە دە ءتان. دەگەنمەن, اتالعان جاعداي «تۇرعىن ءۇي قۇرىلىس جيناق بانكى»اق باقىلاۋىندا قالا بەرەدى», دەپ اتاپ ءوتتى وبلىس اكىمى.
ايتا كەتۋ كەرەك, مەملەكەت قاراجاتىنىڭ ەسەبىنەن وسى جىلدىڭ باسىنان بەرى 980 پاتەرلىك 19 تۇرعىن ءۇي پايدالانۋعا بەرىلدى. جىل سوڭىنا دەيىن 1809 پاتەرلىك 41 كوپپاتەرلى ءۇي, ونىڭ 11-ءى حالىقتىڭ ءالسىز قورعالعان توپتارى ءۇشىن (ياعني, جالگەرلىك تۇرعىن ءۇي) پايدالانۋعا بەرىلەدى دەپ جوسپارلانعان.
