داۋلەت بولات ۇلىن تاعاتسىزدانا كۇتكەن كۋرسانتتار بالۋانعا لايىقتى قۇرمەت كورسەتىپ, زور قوشەمەتپەن قارسى الدى. مارتەبەلى مەيمانداردى اكادەميا باستىعىنىڭ ورىنباسارى, پولكوۆنيك س.بيسەكەەۆ تانىستىردى.
داۋلەت بولات ۇلى جاس شەكاراشىلارعا سپورت الەمىنە قالاي كەلگەنى جايلى كەڭىنەن اڭگىمەلەپ, اعالىق اقىل-كەڭەستەرىن ايتتى. سپورتتا دا, مەملەكەتتىك جانە قوعامدىق قىزمەتتە دە ايتۋلى جەتىستىكتەرگە جەتكەن قايراتكەر ازامات كىشكەنتايىنان-اق سپورت دەسە ىشكەن اسىن جەرگە قوياتىنىن, مەكتەپ قابىرعاسىندا جۇرگەندە-اق كۇرەسكە دەگەن قۇلشىنىسى كۇشتى بولعاندىعىن, مەكتەپ جانە اۋدانارالىق جارىستارعا قاتىسىپ, جۇلدەلى ورىندارعا قول جەتكىزگەندىگىن ايتتى. سونداي-اق كەزدەسۋدە سپورتشىنىڭ بوز كىلەمدەگى ونەرى جايلى بەينەفيلم كورسەتىلىپ, شەكاراشى كۋرسانتتار كوكەيدەگى ساۋالدارىنا تۇششىمدى جاۋاپ الدى. جيىندا بالۋاننىڭ سەرىكتەرى د.تۇرلىقانوۆ جايلى بىرقاتار كىتاپتاردى شەكاراشىلارعا تارتۋ ەتسە, شەكاراشىلار دا كەش قوناقتارىنا عاسىرعا جۋىق تاريحى بار اكادەميا جايلى جيناق پەن 85 جىلدىق مەرەيتويعا ارنالعان ارنايى توسبەلگى سىيلادى.
ايتا كەتكەن ءلازىم, كەزدەسۋگە قازاقستاندىق فۋتبول ارداگەرى ميحايل گۋرمان, قازاقستاننىڭ حالىق ءارتىسى ناعيما ەسقاليەۆا, جامبىل اتىنداعى مەملەكەتتىك فيلارمونيانىڭ ديرەكتورى جەڭىس سەيدۋللا ۇلى جانە بەلگىلى انشىلەر مەدەۋ ارىنباەۆ پەن بەيبىت قورعان قاتىسىپ, اسەم اننەن شاشۋ شاشتى.
جانات جابىربەكوۆ,
قر ۇقك شەكارا قىزمەتى اكادەمياسىنىڭ
ءباسپاسوز حاتشىسى
