«سوت ادىلدىگىنە سەندىم»

ادەتتە, «ەگەمەنگە» كەلەتىن ارىز-شاعىمدار, حاتتاردىڭ با­­­سىم كوپشىلىگى سوتقا نەمەسە باس­قا قۇقىق قورعاۋ ورگاندارىنا دەگەن وكپە-رەنىش ايتپەسە نارا­زى­لىق جونىندە بولار ەدى. ونىڭ سەبەبى دە جوق ەمەس. ءبىزدىڭ قوعا­مى­مىزدا ادىلەتتىلىككە قارسى ءادى­لەت­­س­ىزدىك, زاڭدىلىققا قارسى زاڭ­سىزدىق ءجيى ورىن الاتىنى راس. ال سوناۋ اقتاۋدان ات سابىلتىپ كەلگەن, ءوزىن ابدىعاليەۆا گۇل­جان­مىن دەپ تانىستىرعان ازا­مات­شانىڭ ايتارى باسقا ەكەن. مەن 2008 جىلى جەلتوقساندا اقتاۋ قالاسىنداعى 31-ءشى شاعىن اۋداننان 4,7 گەكتار جەر ساتىپ العان ەدىم, – دەيدى ول بىزبەن ءاڭ­گىمەسىندە. – بۇل جەر تەلىمى «كوم­پانيا دۋكات» جاۋاپكەرشىلىگى شەكتەۋلى سەرىكتەستىگىنىكى ەك­ەن. قاجەتتى قۇجاتتاردىڭ ءبارى تەكسەرىلدى. زاڭ بويىنشا ەكىجاق­تى ساتۋ-ساتىپ الۋ كەلىسىم-شارتى جاسالدى. 2009 جىلدىڭ 17 اق­پا­نىندا ماڭعىستاۋ وبلىستىق ءادى­لەت دەپارتامەنتىندە تىركەلىپ, 304 429 رەەستر ءنومىرى بەرىلدى. ال سول جىلدىڭ 30 ناۋرىزىندا اقتاۋ قالالىق جەر قاتىناستارى ءبولىمى تاراپىنان ماعان جەر ۋچاسكەسىنە مەنشىك قۇقىن بەرەتىن №0110296 اكت بەرىلدى. جەر ۋچاسكەسىن ساتىپ الار كەزدە جەردى ساتۋشى «كومپانيا دۋكات» سەرىكتەستىگى تاراپىنان بارلىق قۇقىق بەلگىلەۋشى قۇجاتتار نوتارياتقا ۇسىنىلعان بولاتىن. ءبىر سوزبەن ايتقاندا, ەكىجاقتى ساتۋ-ساتىپ الۋ كەلىسىم-شارتى بارلىق زاڭ­دىلىقتاردى ساقتاي وتىرىپ جا­سالدى. سوندىقتان مەن ءوزىمنىڭ اتالعان جەر ۋچاسكەسىنىڭ زاڭدى يەسى ەكەنىمە سەنىمدى بولدىم... سويتسەم, – دەيدى گۇلجان ءابدى­عاليەۆا ءسوزىن جالعاستىرىپ, – ارا­دا ەكى جىل وتكەن سوڭ بۇل جەر­دىڭ «ءۇشىنشى» يەسى پايدا بولىپ­تى. بيىلعى جىلى ءساۋىر ايىندا مەن اتالعان جەر ۋچاسكەسىن تۋى­سىم سابىر مۇقاعالي ايتۋار­ ۇلىنا سىيعا تارتپاقشى بولدىم. سىيعا بەرۋ جونىندە كەلىسىم-شارت­تى جاساتار الدىندا حالىق­قا قىزمەت كورسەتۋ ورتالىعىنان «كەپىلدە جوق» دەگەن ءبىر كۇندىك انىقتاما الۋىمىز كەرەك بولا­تىن. ول جەردەگىلەر بۇل انىق­تا­مانى بەرمەي, ماعان بتي-عا با­رۋعا كەڭەس بەردى. سالىپ ۇرىپ سول جەرگە بارسام, ونداعىلار: «سەنىڭ مەنشىگىڭدەگى 4,7 گەكتار جەر ۋچاسكەسىنە قاتىستى قۇجات­تار سوتتا جاتىر», دەگەندى ايتتى. «جازعان قۇلدا شارشاۋ جوق». سوتقا بارىپ جولىقتىم. اقتاۋ قا­لالىق №2 سوتىنىڭ سۋدياسى د.سەيىتوۆ ماعان بارلىق جاع­داي­دى ەگجەي-تەگجەيلى تانىستىرىپ, وسى جەر ۋچاسكەسىنە قاتىستى ءۇشىن­شى جاقتىڭ, ياعني «كازكو­م­مەر­تسبانكتىڭ» پايدا بولعانى ءجو­نىندە ايتتى. دەگەنمەن, 4,7 گەكتار جەرگە قاتىستى ماتەريالدارمەن تانىسۋ ءۇشىن الدىرعان سۋديا ونى بتي-عا قايتاراتىنى ءجونىن­دە مالىمدەدى. مەن جوعارىدا ايت­قانداي, سابىر مۇقاعالي ايتۋ­ار ۇلىنا جەر ۋچسكەسىن سىيعا تارتۋ جونىندەگى كەلىسىم-شارتتى زاڭ­عا سايكەس راسىمدەستىردىم. بىراق, ودان ماسەلە شەشىلە قويعان جوق. كوپ ۇزاماي, «كازكوممەرتسبانك» سوت­قا تالاپ-ارىز ءتۇسىردى. بۇل تا­لاپ-ارىزدا «كومپانيا دۋكات» سەرىكتەستىگىمەن مەنىڭ, ياعني گۇل­جان ابدىعاليەۆانىڭ اراسىنداعى سا­­تۋ-ساتىپ الۋ تۋرالى كەلىسىم-شارت­تى زاڭسىز دەپ تانۋدى سۇراعان. وسى ورايدا, ءبىز گۇلجان ءاب­دى­عاليەۆادان اتالمىش جەرگە باي­لانىستى «دۋكاتپەن» ءسىزدىڭ ارا­ڭىزداعى جاسالعان كەلىسىم-شارت زاڭدىلىققا نەگىزدەلىپ جاسالدى, دەگەن جوق پا ەدىڭىز دەپ سۇرادىق. – ءبىزدىڭ «دۋكات» جاۋاپكەرشىلىگى شەكتەۋلى سەرىكتەستىگىمەن جا­سال­عان ەكەۋارا ساتۋ-ساتىپ الۋ ءجو­نىندەگى كەلىسىم-شارتتا مۇلتىك جوق. ءبارى زاڭدى ءارى نەگىزدى. بۇل جەردە ماسەلە باسقادا. ۋاقى­تىن­دا «دۋكات» جاۋاپكەرشىلىگى شەكتەۋلى سەرىكتەستىگى 4,7 گەكتار جەردى كەپىلگە قويىپ, اتالعان بانكتەن اقشا العان. وسىعان بايلا­نىس­تى قۇجاتتاردىڭ تۇپنۇسقاسى بانكتە ساقتالعان. بىراق كومپانيا تاراپى جەردى ماعان ساتار كەزدە قۇجاتتاردى جوعالتىپ ال­عان بولىپ, دۋبليكاتىن شىعار­تىپ العان. وسى ورايدا ايتا بەرسە, اڭگىمە كوپ. بۇل ءىستىڭ ەگجەي-تەگجەيىن سوت انىقتادى جانە ءىستى قاراعان اقتاۋ قالالىق №2 سوتى­نىڭ سۋدياسى د.سەيىتوۆ بانكتىڭ تالاپ-ارىزىن قاناعاتتان­دى­ر­ما­دى. كەرىسىنشە, مەنىمەن «دۋكات» جاۋاپكەرشىلىگى شەكتەۋلى سەرىكتەستىگى اراسىنداعى ساتۋ-ساتىپ الۋ كەلىسىم-شارتىن زاڭدى دەپ تا­باتىن شەشىم شىعاردى. ال «كازكوممەرتسبانك» پەن «كومپانيا دۋكات» جاۋاپكەرشىلىگى شەكتەۋلى سەرىكتەستىگى اراسىنداعى جاعدايدى ءتيىستى ورىندار تەكسەرىپ قالار. مەن وسى ءبىر پروبلەما باستالعان كەزدە ءبىراز قينالىپ قالعان ەدىم. جوق, ادىلدىك بار ەكەن. سوت بۇل ىستە ادىلەتتى شەشىم شىعاردى. ءيا, جوعارىدا ايتقانىمىز­داي, «ەگەمەنگە» كەلەتىن حاتتار­دىڭ باسىم كوپشىلىگى ارىز-شا­عىمدار عانا بولۋشى ەدى. بۇل رەتتە, «سوناۋ اقتاۋدان ات سابىل­تىپ كەلگەن ابدىعاليەۆانىڭ ايت­پاعى باس­قا ەكەن» دەگەنىمىز وسى ەدى. شارافاددين ءامىر.