يگى ءىس-شاراعا مەملەكەت جانە قوعام قايراتكەرى شالاتاي مىرزاحمەتوۆ, قمدب اقساقالدار كەڭەسىنىڭ مۇشەسى بەكايدار امىرە, مادەنيەت قايراتكەر باقتيار سپانوۆ, نايب يمام مۇسابەك اقتامبەردى, ءداستۇر جانە وتباسى باعىتىنىڭ جەتەكشىسى احمەتجان كەرىمبەك, داۋرەنبەك تاسقاراەۆ جانە قالالىق اجەلەر مەكتەبىنىڭ مۇشەلەرى قاتىستى.
«اتالمىش ورتالىقتىڭ نەگىزگى ماقساتى – قمدب-نىڭ ءداستۇر جانە وتباسى باعىتى دەپ اتالاتىن باستاماسىنىڭ نەگىزىندە, ءدىن مەن سالت-ءداستۇر, ادەت-عۇرىپ قۇندىلىقتارىن ناسيحاتتاۋ جانە وسى باعىتتا ءتالىم-تاربيە بەرۋ, ارنايى كىتاپتار ازىرلەۋ بولىپ تابىلادى. ورتالىق ارنايى كيىز ءۇي جابدىقتارىمەن جابدىقتالعان. سونداي-اق, مۇندا سابيگە ات قويۋ, تۇساۋ كەسەر, شاڭىراق كوتەرگەن جاستاردىڭ نەكە قيۋ ءراسىمى وتەدى. ودان بولەك ءتۇسىرىلىم الاڭى رەتىندە دە پايدالانۋعا بولادى», دەدى ءدىنتانۋشى مۇحامەدجان ەستەمىروۆ.
وسى ورايدا, شاھاردىڭ باس يمامى باقداۋلەت نۇرمات ۇلى جاڭادان اشىلعان سالت ءداستۇر ورتالىعىنىڭ جۇمىسىنا وڭ باعاسىن بەرىپ, الداعى ىستەرىنە ساتتىلىك تىلەدى.
