ءىس-شاراعا قاتىسۋشىلار جاڭا كونستيتۋتسياعا قولداۋ ءبىلدىرىپ, بۇل قۇجاتتىڭ قازىرگى جانە بولاشاق ۇرپاقتىڭ تۇراقتى دامۋىنا نەگىز قالايتىنىن اتاپ ءوتتى. تالقىلاۋ بارىسىندا «اسسامبلەيا جاستارى» رقب وكىلدەرى, ەتنومادەني بىرلەستىكتەر مەن ستۋدەنتتەر اسسامبلەيالارىنىڭ جاستارى ءسوز سويلەدى.
ءوڭىر باسشىسى نۇرىمبەت ساقتاعانوۆ ءوز سوزىندە تۇجىرىمدامالىق وزگەرىستەر مەملەكەتتىڭ ەڭ الدىمەن ادامنىڭ مۇددەسىن قورعاۋ قاعيداتتارىنا نەگىزدەلگەنىن, قازاقستان حالقىنىڭ وزەكتى قۇندىلىقتارى مەن قاعيداتتارىن كورسەتۋگە, سونداي-اق ساياسي ينستيتۋتتار قۇرىلىمىنىڭ تيىمدىلىگىن ارتتىرۋعا باعىتتالعانىن اتاپ ءوتتى. سونىمەن قاتار, وبلىس اكىمى نەگىزگى زاڭعا ەنگىزىلگەن وزگەرىستەر جاستاردىڭ قوعامدىق-ساياسي بەلسەندىلىگىن ارتتىرۋعا باعىتتالعانىنا نازار اۋداردى.
«اسسامبلەيا جاستارى» رقب توراعاسى تيمۋر جۇمىرباەۆ جاڭا كونستيتۋتسيانىڭ جوباسى قوعامنىڭ تۇپكىلىكتى مۇددەلەرىنىڭ كورىنىسى ەكەنىن, ال جاستاردىڭ بۇل قۇجاتتى قولداۋى وتە ماڭىزدى ەكەنىن ايتتى. سونىمەن قاتار, ول قازاقستاننىڭ حالىق كەڭەسى – جوعارى كونسۋلتاتيۆتىك ورگاننىڭ قۇرىلۋى جاستار ءۇشىن ۇلكەن مۇمكىندىكتەرگە جول اشاتىنىنا توقتالدى.
ءىس-شارا بارىسىندا شىعىس قازاقستان وبلىستىق ءماسليحاتىنىڭ توراعاسى دەنيس رىپاكوۆ ءسوز سويلەدى. ول جاڭا كونستيتۋتسيانىڭ جوباسى تسيفرلىق ورتادا ازاماتتاردىڭ قۇقىقتارىن قورعاۋ تۋرالى نورمانىڭ العاشقى رەت ەنگىزىلىپ وتىرعانىن اتاپ ءوتتى. ءومىرى مەن جۇمىسى ينتەرنەتپەن تىعىز بايلانىستى جاس ۇرپاق ءۇشىن بۇل سەنىمدى قۇقىقتىق قالقان جاسايدى, ال دەربەس دەرەكتەردى, جەلىدەگى تسيفرلىق اكتيۆتەردى قورعاۋ كونستيتۋتسيالىق نورماعا اينالادى.
فورۋم بارىسىندا وبلىستىق دوستىق ءۇيى – قوعامدىق كەلىسىم ورتالىعىنىڭ ديرەكتورى راۆيل يۋنۋسوۆ, ستۋدەنتتىك اسسامبلەيالاردىڭ جەتەكشىسى الەكساندر ۋرماشوۆ, قازاقستان رەسپۋبليكاسىنداعى ادام قۇقىقتارى جونىندەگى ۋاكىل جانىنداعى «ەركىندىك رۋحى» جاستار قۇقىقتارى جونىندەگى كوميسسياسىنىڭ مۇشەسى الينا كاليشەۆا, ريددەر قالاسىنداعى «اسسامبلەيا جاستارى» وكىلدىگىنىڭ جەتەكشىسى ەدۋارد رىنك ءسوز سويلەدى.
فورۋمعا قاتىسۋشىلار جاڭا كونستيتۋتسيا جوباسىندا كورسەتىلگەن شىعارماشىلىق مۇمكىندىكتەردى كەڭەيتۋ, اۆتورلىق قۇقىق پەن تسيفرلىق قاۋىپسىزدىكتى قورعاۋ, قۇقىقتىق قورعالۋ جانە ادىلەتتىلىك كەپىلدىكتەرى, ەكولوگيالىق جاۋاپكەرشىلىك ماسەلەلەرى تۋرالى دا پىكىر الماستى.
