كورمە مۋزەي قورىندا ساقتالعان ساعاتتاردان قۇرالعان. ءار جىلدارى مۋزەي قورىنا قالا تۇرعىندارى قالتا, قول, قابىرعا جانە القا ساعاتتارىن سىيعا تارتىپ كەلگەن.
كورمەگە مۋزەيدىڭ كوللەكتسيالىق قورىندا ساقتالعان 1940–1950 جىلداردان باستاۋ الاتىن 74 ساعات ءتۇرى قويىلدى. ولاردىڭ قاتارىندا ەلىمىزگە, ۇلىتاۋ وڭىرىنە تانىمال تۇلعالارعا تيەسىلى قول ساعاتتار دا بار.
كورمەگە مۋزەيدەگى ەڭ كونە جادىگەر – «پاۆەل بۋرە» مەحانيكالىق قابىرعا ساعاتى ۇسىنىلدى. «پاۆەل بۋرە» – XIX–XX عاسىرلار باسىندا شۆەيتساريا مەن رەسەيدە جۇمىس ىستەگەن, جوعارى ساپا ستاندارتتارىمەن تانىلعان ساعات جاساۋشىلار برەندى. جوعارى مارتەبەگە يە بولعان بۇل كومپانيانىڭ مەحانيكالىق ساعاتى قارساقپايداعى اعىلشىندار ۇيىندە قولدانىستا بولعان.
كورمەگە كەلگەن ادامدار ءتۇرلى ساعاتتاردىڭ تاريحىمەن تانىسا الادى.
