جاستار جيىنى جارقىراپ ءوتتى

ەل تاۋەلسىزدىگىنىڭ 20 جىلدى­عىنا وراي ۇيىمداستىرىلعان وب­لىستىق جاستار مەن ستۋدەنتتەردىڭ «ءبىز – ەلىمىزدىڭ بولاشاعىمىز» اتتى فورۋمى اياسىندا بالالار ۇيىمدارى مەن قوعامدىق قوز­عا­لىسىنىڭ كوشباسشىلارىنىڭ ءى وب­لىستىق سلەتى وتكىزىلدى. ونى ءوت­كىزۋدەگى ماقسات بالالاردى ۇلتتىق جانە جالپى ازاماتتىق قۇن­دى­لىقتارعا سايكەس جەكە تۇلعا ەتىپ تاربيەلەۋ, ولاردىڭ بويىندا قا­زاقستاندىق ءپاتريوتيزمدى قالىپ­تاستىرۋ. سلەتكە قالا جانە اۋدان مەكتەپتەرىنەن ۇزدىك وقيتىن, 300-دەن استام وقۋشى, بالالار ۇي­ىم­دارىنىڭ جەتەكشىلەرى, اعا ءتا­لىم­گەرلەر, جاس كوشباسشىلار قا­تىستى. سودان كەيىن قازاقستاننىڭ تۇڭ­­عىش پرەزيدەنتى اتىنداعى سايا­باقتا «ءبىز – ەلىمىزدىڭ بولاشا­عى­مىز» اتتى جاستار مەن ستۋدەنت­تەردىڭ وبلىستىق فورۋمى وتكى­زىل­دى. مۇندا «اۋىلدىڭ گۇلدەنۋى – قازاقستاننىڭ گۇلدەنۋى» ما­را­فون-ەستافەتاسىنا قاتىسۋشى­لار­دى ماراپاتتاۋ بولدى. ماراپاتتاۋ راسىمىنە «جاسىل ەل», ستۋدەنتتىك قۇرىلىس جانە پەداگوگيكالىق جا­ساقتارىنىڭ, «اۋىلدىڭ گۇلدەنۋى – قازاقستاننىڭ گۇلدەنۋى» مارا­فون-ەستافەتاسىنىڭ 4000 ۇزدىك­تەرى قاتىستى. وبلىس اكىمى ارحيمەد مۇحامبەتوۆ فورۋمعا قاتى­سۋشىلار الدىندا ءسوز ءسوي­لەدى. ول مارافون-ەستافەتاعا قا­تىسۋ­شى­لار­دىڭ قىرۋار جۇمىستار جاسا­عانىن تىلگە تيەك ەتتى. ما­رافون-ەستافەتاعا, ستۋدەنتتىك قۇ­رىلىس جاساقتارىنا بيىل 92 مىڭ جاس قاتىستى. بۇل ونىڭ الدىن­داعى جىلعا قاراعاندا, ولاردىڭ قاتارى 22 مىڭ جاسقا كوبەيگەنىن كور­سە­تەدى. ولار 400 ەلدى مەكەندى كو­رىكتەندىرىپ, كوگالداندىرىپ, كۇل-قوقىستان تازارتقان. ناق­تى­لاپ ايتقاندا, 300 ساياباق, 1000 كو­شە­لەر مەن اللەيالار, 200 الەۋ­مەت­تىك نىساندار تازارتىلىپ, ءتار­تىپكە كەلتىرىلگەن, 20 مىڭ توننا قوقىس شىعارىلعان. وبلىس اكىمى ارحيمەد مۇحامبەتوۆ مارافون-ەستا­فە­تادا, «جاسىل ەل» جانە ستۋدەنتتىك قۇرىلىس جاساقتارىندا جاقسى جۇمىس ىستەگەن ۇزدىكتەرگە, جاساق كومانديرلەرىنە 55 جەڭىل اۆتو­كو­لىكتىڭ كىلتىن تاپسىردى. اۋ­دان­دار­دىڭ قاي-قايسىسى دا جەڭىل كو­لىكتەن قۇر قالمادى. سونىڭ ىشىندە بۇل باعىتتاعى جۇمىستى جاق­سى ۇيىمداستىرعان مۇعالجار اۋدانىنىڭ ءتورت ءبىلىم مەكەمەسى اۆتوكولىككە يە بولدى. بۇدان باس­قا 1200 جاسقا نوۋتبۋك, 2500 سار­بازعا استانا قالاسىندا دەمالىپ قايتۋعا جولداما تابىس ەتىلدى. ءوڭىر باسشىسى مارافون-ەستافە­تا­نىڭ الداعى جىلى دا جالعاساتى­نىن, الايدا, جاستاردىڭ تۇرعىن ءۇي قۇرىلىسىن سالۋعا, گاز جانە سۋ قۇبىرلارىن جۇرگىزۋگە تارتىلا­تىنىن جەتكىزدى. ساتىبالدى ءساۋىرباي, اقتوبە وبلىسى.