بوتەن بالا بولمايدى

ءبىزدىڭ ەلىمىزدە مۇمكىندىگى شەك­­تەۋلى بالالارعا مەملەكەت تارا­پى­نان كورسەتىلەتىن قامقورلىق تالاپ دەڭگەيىندە. ماسەلەن, «مۇمكىن­دىگى شەك­­تەۋلى بالالارعا الەۋمەتتىك جانە مەديتسينالىق-پەداگوگيكالىق كومەك كورسەتۋ تۋرالى» جانە «قا­زاقستان رەسپۋبليكاسىنىڭ مۇگە­دەك­تەردى الەۋ­­مەت­تىك قولداۋ تۋرا­لى» قازاق­ستان رەس­­پۋبليكاسىنىڭ زاڭ­دارىنا وراي ەلىمىزدە بۇل با­عىت­تا بىرقاتار اۋقىمدى ءىس-شا­را­لار ءجۇ­زەگە اسى­رىلۋدا. بۇل وراي­دا اتاپ ايتار­لى­عى, مۇگە­دەك­تىك­كە شالدىق­قان بالالار مەملەكەت تاراپىنان ءجۇ­يەلى ءتۇر­دە كور­سە­تىلەتىن كومەك­پەن, قام­قور­لىقپەن عانا شەكتەلىپ قال­ماۋى ءتيىس ەكەندىگى ايداي اقيقات. سوندىق­تان دا, ايىقپاس دەرتكە شال­­دىققان بالا­لار­دىڭ قوزعالىس ءمۇم­كىن­دىگى شەكتەلگەنمەن, ولاردىڭ جان-دۇنيە كە­ڭىس­تىگى اياسىنىڭ تارى­لىپ, كۇيزە­لىس­كە ۇشىراۋىنا جول بەرمەۋ – ولاردى قورشاعان ورتا­نىڭ, قالىڭ كوپشىلىكتىڭ باستى مىندەتى. ءبىر قۇپتارلىعى, قيىندىققا تاپ بولعان بۇلدىرشىندەر ومىرىنە قۋا­نىش اكەلىپ, ونى مۇمكىن­دى­گى­ن­شە كو­رىكتەندىرۋگە ۇمتىلۋشىلار قاتارى ۋاقىت وتكەن سايىن كوبەيە تۇسۋدە. ماسەلەن, الماتى قالا­سىن­داعى «يۋرانيۋن ۋان» كومپا­نيا­سىنىڭ (باس ديرەكتورى مارات نيەتباەۆ) قايىرىمدىلىق باعى­تىن­داعى ءىس-شارالارى كوپشىلىك تا­راپىنان جو­عا­رى باعالانۋدا. كوم­پانيا ۇجىمى الماتى قالا­سى­نىڭ مەدەۋ اۋدا­نىنداعى 180 مۇگەدەك بالاعا قار­جى­لاي كومەك بەرۋمەن قاتار, ولار­دىڭ دۇنيەتا­نى­مىن كەڭەيتۋگە, مەملەكەتتىك ءتىلدى جەتىك مەڭگەرۋىنە دە ءوز تاراپىنان يگى ىقپال ەتۋدە. «اتامۇرا» باسپاسىنان شىق­قان مازمۇنى تەرەڭ ءارى قىزىقتى كىتاپ­تاردىڭ بالالارعا سىيلىق رەتىندە ۇسىنىلۋى سونىڭ ايعاعى. مۇنداي قۇندى سىيلىقتاردىڭ اراسىندا ۇلت­تىق سالت-ءداستۇر, ادەت-عۇرىپ تۋ­را­لى مەملەكەتتىك تىلدە جازىلعان تۋىندىلاردىڭ باسىمدىق تانى­تۋى­نىڭ ماڭىزى زور ەكەندىگى ايتپاسا دا تۇسىنىكتى. جانە مۇنداي تارتۋ­دىڭ 180 بالانىڭ ارقايسىسىنا ار­نالۋى ولاردىڭ وزدەرىنىڭ عانا ەمەس, اتا-انالارىنىڭ دا كوڭىلىن شەكسىز قۋانىشقا بولەگەندىگى ءسوزسىز. مەدەۋ اۋداندىق جۇمىسپەن قامتۋ جانە الەۋمەتتىك باعدار­لا­مالار ءبولىمىنىڭ مۇمكىندىگى شەكتەلگەن بالالارعا ۇيدە الەۋمەتتىك كو­مەك كورسەتەتىن بولىمشەسىنىڭ مەڭ­گەرۋ­شىسى گۇلنار شايىقوۆا­نىڭ دا دەمەۋشىلەرگە ايتار العى­سى شەكسىز. ونىڭ وزىندىك سەبەبى دە جەت­كىلىكتى, ويتكەنى الەۋمەتتىك كومەككە, قام­قور­لىققا عانا ەمەس, جۇرەك جىلۋى­نا دا ءزارۋ بالالار ءۇشىن دەمەۋشىلەر ىزگىلىگى مەن قايىرىم­دى­لى­عى­نىڭ ورنى بولەك. «فارمااكتيۆت» كومپانياسى (باس ديرەكتور ءاليا يساەۆا) اۋرۋ با­لا­لاردى قا­جەت­تى ءدارى-دارمەكتەرمەن ءۇش جىلعا جۋىق قامتاماسىز ەتسە, ال «شاللەر قا­زاق­ستان» كومپا­نيا­سى (باس ديرەكتور ەلەنا پارلايان) بالالار­عا بەس جىل بويى قارجىلاي كومەك بەرۋدە. – قازىرگى كەزدە ءبىزدىڭ اۋداندا مۇمكىندىگى شەكتەۋلى ءتورت جۇزدەن استام بالا تۇرادى. ونىڭ 180-نە ۇيدە الەۋمەتتىك قىزمەت كورسەتى­لە­دى دەسەك, ولاردىڭ اراسىندا وتىزعا جۋىق وتباسىنىڭ تۇرمىس جاعدايى تومەن دەڭگەيدە. ارينە, مۇگەدەك­تەرگە مەملەكەت تاراپى­نان كورسەتى­لەتىن قامقورلىق اياسى كەڭي تۇسۋدە. جىل باسىنان بەرى ورتوپەديا ورتالىعىنان 23 بالاعا اياق كيىم جانە ارناۋلى كورسەت الۋ­عا جولدامالار بەرىلدى. سون­داي-اق پەداگو­گي­كالىق جانە پسي­حولوگيالىق كە­ڭەس­تىڭ شەشىمى بو­يىنشا سەكسەن ءتورت بالا ۇيدە وقى­تۋ جانە تاربيە الۋ جاردەم­اقىسىن الادى. سونى­مەن قاتار, توقسان ءۇش وتباسى جىلىنا ءبىر رەت بەرىلەتىن اقشالاي ماتە­ريال­دىق كومەكتى پايدالانۋدا. ءسوز رەتى كەلگەندە ايتا كەتەتىن تاعى ءبىر ءجايت, بولىمشە مامان­دارى ءبىلىم بەرۋ, دەنساۋلىق ساقتاۋ جانە ۇكىمەت­تىك ەمەس ۇيىمدارمەن بىرلەسىپ, الەۋمەتتىك وڭالتۋ جانە ساۋىقتىرۋ باعدارلامالارىنىڭ سا­پا­سىن جاق­سارتۋ­عا ودان ءارى جەتىلدىرۋگە باستى نازار اۋدارۋدا, – دەيدى گۇلنار شايىقوۆا. باقىت بالعارينا, الماتى.