بيىل العاش رەت تاعايىندالعان سىيلىقتىڭ "قازاقستان تۋرالى ۇزدىك تانىمدىق ماتەريال" نوميناتسياسى بويىنشا "ەگەمەن قازاقستان" گازەتىنىڭ ءبولىم مەڭگەرۋشىسى دۋمان اناش جەڭىمپاز اتاندى. بۇل اتالىم بويىنشا ۇمىتكەرلەر قاتارىندا ودان بولەك دوسحان جىلقىباي (zhasorken.kz), دينارا تىلەكقىزى (auyltynysy.kz), اقنيەت وسپانباي ("تۇركىستان" گازەتى), كرۋگلوۆا دانا (informburo.kz) سەكىلدى جۋرناليستەر بولدى.
ەستەرىڭىزگە سالا كەتسەك, «ۇركەر» تۇڭعىش ۇلتتىق سىيلىعى 15 نوميناتسيادان تۇرادى. ولار: «ۇزدىك ايماقتىق ءباسپاسوز باسىلىمى», «ۇزدىك راديوباعدارلاما», «ۇزدىك سالالىق ءباسپاسوز باسىلىم», «ۇزدىك جىل جۋرنالى», «ۇزدىك رەسپۋبليكالىق ءباسپاسوز باسىلىمى», «ۇزدىك رەپورتاج», «قازنەتتەگى مەدياسەرپىلىس», «ۇزدىك ايماقتىق راديوستانتسيا», «ۇزدىك جۋرناليستىك زەرتتەۋ», «ۇزدىك ينتەرۆيۋ», «قازاقستان تۋرالى ۇزدىك تانىمدىق ماتەريال», «ۇزدىك حالىقارالىق ساراپتامالىق ماتەريال», «جۋرناليستيكاداعى دەبيۋت», «ۇزدىك فوتوسۋرەت», «ۇزدىك ساراپتامالىق ماتەريال». كونكۋرسقا ءوتىنىش قابىلداۋ 2017 جىلدىڭ 7 مامىرىنان 10-ماۋسىم ارالىعىندا جۇرگىزىلگەن بولاتىن. بايقاۋعا 860-قا جۋىق باق وكىلى قاتىسۋعا نيەت تانىتقان.
