بيىل العاش رەت تاعايىندالعان سىيلىقتىڭ "ۇزدىك جۋرناليستىك زەرتتەۋ" نوميناتسياسى بويىنشا "ەگەمەن قازاقستان" گازەتىنىڭ شولۋشىسى جانبولات اۋپباەۆ جەڭىمپاز اتاندى. بۇل اتالىم بويىنشا ۇمىتكەرلەر قاتارىندا سەمباي ماعاۋيا ( "ورتالىق قازاقستان"), ەركىن شاكىر ۇلى («Atameken Business Channel»), كيسەلەۆ ستاس, ("ۆرەميا"), تولەن تىلەنباي ("جاس قازاق") بولدى.
ەستەرىڭىزگە سالا كەتسەك, «ۇركەر» تۇڭعىش ۇلتتىق سىيلىعى 15 نوميناتسيادان تۇرادى. ولار: «ۇزدىك ايماقتىق ءباسپاسوز باسىلىمى», «ۇزدىك راديوباعدارلاما», «ۇزدىك سالالىق ءباسپاسوز باسىلىم», «ۇزدىك جىل جۋرنالى», «ۇزدىك رەسپۋبليكالىق ءباسپاسوز باسىلىمى», «ۇزدىك رەپورتاج», «قازنەتتەگى مەدياسەرپىلىس», «ۇزدىك ايماقتىق راديوستانتسيا», «ۇزدىك جۋرناليستىك زەرتتەۋ», «ۇزدىك ينتەرۆيۋ», «قازاقستان تۋرالى ۇزدىك تانىمدىق ماتەريال», «ۇزدىك حالىقارالىق ساراپتامالىق ماتەريال», «جۋرناليستيكاداعى دەبيۋت», «ۇزدىك فوتوسۋرەت», «ۇزدىك ساراپتامالىق ماتەريال». كونكۋرسقا ءوتىنىش قابىلداۋ 2017 جىلدىڭ 7 مامىرىنان 10-ماۋسىم ارالىعىندا جۇرگىزىلگەن بولاتىن. بايقاۋعا 860-قا جۋىق باق وكىلى قاتىسۋعا نيەت تانىتقان.
