ەلباسى قابىلدادى

مەملەكەت باسشىسى نۇرسۇلتان نازارباەۆ استانا قالا­سى­نىڭ اكىمى يمانعالي تاسماعامبەتوۆتى قابىلدادى, دەپ حابار­لا­دى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. ي.تاسماعامبەتوۆ پرەزيدەنتتى ەلوردانىڭ الەۋمەتتىك-ەكونو­مي­كا­لىق دامۋى جانە قازاقستان رەسپۋبليكاسى تاۋەلسىزدىگىنىڭ 20 جىل­دى­عىن مەرەكەلەۋگە دايىندىق بارىسى تۋرالى حاباردار ەتتى. *  *  * مەملەكەت باسشىسى نۇرسۇلتان نازارباەۆ قازاقستان رەسپۋبليكاسى باسەكەلەستىكتى قورعاۋ اگەنتتىگىنىڭ توراعاسى ءماجيت ەسەنباەۆتى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. م.ەسەنباەۆ مەملەكەت باسشىسىن اگەنتتىكتىڭ كاسىپكەرلىك پەن ينۆەستيتسيالىق بەلسەندىلىكتى قامتاماسىز ەتۋ, اكىمشىلىك كەدەرگىلەردى تومەندەتۋ, شاعىن جانە ورتا بيزنەستى دامىتۋ ءۇشىن مونوپولياعا قارسى زاڭنامانى جەتىلدىرۋ جونىندەگى قىزمەتى تۋرالى حاباردار ەتتى. پارلامەنتكە مەملەكەتتىڭ ەكونوميكاعا ارالاسۋىن بارىنشا قىسقارتاتىن, ۇلتتىق زاڭنامانىڭ ۇيلەسىمدىلىگىن قامتاماسىز ەتەتىن جانە مونوپولياعا قارسى رەتتەۋدىڭ تيىمدىلىگىن ارتتىراتىن مەملەكەتتىك مونوپوليا ماسەلەلەرى بويىنشا زاڭنامالىق اكتىلەرگە وزگەرىستەر ەنگىزۋ تۋرالى زاڭ جوباسى ەنگىزىلدى. *  *  * كەشە مەملەكەت باسشىسى نۇرسۇلتان نازارباەۆ پارلامەنت ءماجىلىسىنىڭ دەپۋتاتى كەنجەعالي ساعاديەۆتى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. ك.ساعاديەۆ مەملەكەت باسشىسىنا زاڭنامالىق قىزمەت تۋرالى حابارلادى.