مىسال كەلتىرەتىن بولساق, ىستانبۇلداعى اتاتۇرىك حالىقارالىق اۋەجايى مەن پاريج قالاسىندا ورنالاسقان شارل دە گولل اتىنداعى حالىقارالىق اۋەجايدى العا تارتۋ ارقىلى ءسوزىمىزدى ناقتىلاي تۇسەمىز.
نەگىزىنەن, تاۋەلسىزدىك جىلدارىندا تۇرالاعان ەكونوميكالىق, ساياسي-الەۋمەتتىك سالالاردىڭ اياعىنان تىك تۇرۋىنا مەملەكەت باسشىسى نۇرسۇلتان نازارباەۆتىڭ سىڭىرگەن ەڭبەگى زور بولعانى بارىمىزگە بەلگىلى. ونىڭ ۇستىنە, حالىقارالىق شەڭبەردەگى سىرتقى ساياسي شارۋالاردى سارالايتىن بولساق, قازاقستان بۇگىندە بۇۇ قاۋىپسىزدىك كەڭەسىنىڭ تۇراقتى ەمەس مۇشەسى.
سونىمەن قاتار, الەم نازارىن وزىنە اۋدارعان ەكسپو-2017 حالىقارالىق كورمەسى ەلوردامىز – استانا قالاسىندا ءوتىپ جاتىر. وسى تاقىلەتتەس ۇلكەندى-كىشىلى جەتىستىكتەردىڭ بارلىعى دا ەلباسىمىزدىڭ ساياسي كۇش-قۋاتى مەن ابىروي-بەدەلىنىڭ ارقاسى.
ەندەشە, استانانىڭ باس اۋە قاقپاسى بولىپ تابىلاتىن حالىقارالىق اۋەجايدى نۇرسۇلتان نازارباەۆتىڭ ەسىمىمەن اتاۋ جونىندەگى شەشىمنىڭ قابىلدانۋى وتە ورىندى ءارى زاڭدى دەپ سانايمىن.
ماۋلەن اشىمباەۆ,
پارلامەنت ءماجىلىسىنىڭ دەپۋتاتى, حالىقارالىق ىستەر, قورعانىس جانە قاۋىپسىزدىك كوميتەتىنىڭ توراعاسى
