كورمەگە سۋرەتشىنىڭ تسەللوفان كەسكىندەمەسى تەحنيكاسىنداعى 30-عا جۋىق ەرەكشە تۋىندىسى مەن «كوكجيەك» جانە «كەلىن» اتتى 2 ينستاللياتسياسى قويىلدى.
كورمەنىڭ اشىلۋ سالتاناتىندا ءسوز العان ۇلتتىق مۋزەي ديرەكتورىنىڭ ورىنباسارى جاكەن تايماعامبەتوۆ بۇل كورمەنىڭ نەگىزگى يدەياسى اينالانى قورعاۋعا, كۇتۋگە, ايالاۋعا باعىتتالعانىن ايتتى. بۇل ونەر كورمەسى بىزگە تەك ەستەتيكالىق ءلاززات سىيلاپ قانا قويماي, ويلانۋعا ءماجبۇر ەتەدى. اينالامىزعا قاراۋعا, ونى كۇتۋگە, ايالاۋعا شاقىرادى. مەنىڭ ويىمشا, ساۋلە سۇلەيمەنوۆانىڭ بۇل كورمەسى ءبىزدىڭ ەلىمىزدى قويىپ, ءتىپتى, بۇكىل الەمدەگى تىڭ باستاما», – دەپ ءوز پىكىرىن ءبىلدىردى.
وسىعان دەيىن ساۋلە سۇلەي-
مەنوۆا قاراپايىم قالا كورىنىستەرىن سالۋمەن جانە ناتيۋرمورتپەن شۇعىلدانىپ كەلگەن بولسا, 2014 جىلدان باستاپ پلاستيكالىق پاكەتتەر ارقىلى ەستەتيكالىق كوركەمدىك شىڭىنا ۇمتىلۋدا.
پلاستيكتىڭ مۇناي ونىمدەرىنىڭ پايدالانىلعان قالدىعى ەكەنى بەلگىلى. كوركەمونەر تاجىريبەسى ءۇشىن ادەتتەن تىس سانالاتىن جاي عانا پلاستيكالىق پاكەتتى سۋرەتشى جولاق نە ءتىلىم ەتىپ كەسىپ الىپ, ءبىر-بىرىنە جەلىمدەگەن. وعان ەشقانداي بەينەلەۋ ونەرىنە قاجەت ماتەريال قوسپاعان, ياعني مۇندا مايلى بوياۋ دا, اكريل نە اكۆارەل دە جوق. كورمە اۆتورى تسەللوفان كەسكىندەمەسىنىڭ تەحنولوگياسى ويلاعاننان قيىن, بەينەتتى جۇمىس ەكەنىن ايتادى. پلاستيك پلاستيككە جابىسپايدى, سوندىقتان ونى تەك «دانەكەرلەۋ» كەرەك. بۇل جۇمىس تەرمو پيستولەتتىڭ جانە سيليكوننىڭ كومەگىمەن ىسكە اسپاق.
كورمەگە ارنايى كەلگەن قوناق «AhmadyArts» تاۋەلسىز كۋراتورلىعىنىڭ ديرەكتورى ليزا احمادي:
«ساۋلە سۇلەيمەنوۆانىڭ بۇگىنگى كورمەسى مەنى وتە قاتتى تاڭعالدىردى. ءبىزدىڭ كۇندەلىكتى كورىپ, پايدالانىپ جۇرگەن دۇنيەمىزدەن وسىنشا ادەمى تۋىندىلاردى تۋدىرعانى باس يمەۋگە مۇمكىنشىلىك قالدىرمايدى. بۇل سىزدەردىڭ جاس تا جاڭا استانالارىڭىزداعى جاڭا ونەردىڭ العاشقى باسپالداقتارى دەپ بىلەمىن», – دەدى.
سۋرەتشىنىڭ كورمەسىنە جيىلعان كوپشىلىك پلاستيك تسەللوفاندار ارقىلى جاسالعان ادەمى دۇنيەلەردى ونەردىڭ جاڭا ءبىر كوركەم ءتىلى رەتىندە باعالادى.
ايگۇل سەيىلوۆا,
«ەگەمەن قازاقستان»
