ايتالىق 2014-2015 جىلدارى وڭىردەگى كوللەدجدەردى مەملەكەتتىك تاپسىرىس بويىنشا 6981 وقۋشى-ستۋدەنت اياقتاپ, كاسىپتىك ءبىلىم الىپ شىعىپتى. ولاردىڭ تەك 3909-ى عانا كاسىپتىك تەحنيكالىق وقۋ ورنىندا العان ماماندىقتارىنا سايكەس قىزمەتكە ورنالاسقان. 2238-ءى كوللەدجدەردە العان بىلىمدەرىن پايداعا اسىرا الماي, ءوز ەرىكتەرىمەن باسقا ماماندىقتار بويىنشا قىزمەتكە كىرگەن. سونداي-اق وسى االىقتا 834 تۇلەك مۇلدەم جۇمىسقا تۇرا الماي, ءارى «سايدا ساندارىن, قۇمدا ىزدەرىن» بىلدىرمەي, جىم-جىلاس جوعالعان. بۇنىڭ ءوزى ماقساتتى تۇردە مەملەكەت قارجىسىنا وقىتىلعان مامانداردىڭ 40-45 پايىزى ءوز ەرىكتەرىمەن جۇمىس ىزدەۋگە ءماجبۇر بولعانىن كورسەتەدى. ءتىپتى ايماقتاعى كەيبىر كوللەدجدەردە العان ماماندىقتارى بويىنشا جۇمىسقا ورنالاسا الماعان تۇلەكتەردىڭ سانى 64 پايىزعا دەيىن جەتكەنى كوڭىلگە تىپتەن قونىمسىز اتاپ ايتقاندا وسىنداي جاعداي ەمبى قىزمەت كورسەتۋ سالاسى كوللەدجىندە ورىن الىپتى. اقتوبە وبلىسى بويىنشا تەكسەرۋ كوميسسياسى جۇرگىزگەن مەملەكەتتىك اۋديت تەكسەرۋلەرى ناتيجەسىندە وبلىس ورتالىعىنداعى وندىرىستىك كاسىپورىندار مەن جاۋاپكەرشىلىگى شەكتەۋلى سەرىكتەستىكتەردەن 2014-2015 جىلدارى كوللەدج تۇلەكتەرىنە جۇزدەگەن سۇرانىستار تۇسكەنىن ايعاقتايدى. الايدا بۇل سۇرانىستار تەك سول ايتىلعان, جولدانعان كۇيىندە قالىپ قويىپتى. ويتكەنى بيۋدجەت قاراجاتىنا كاسىبي ماماندىق الىپ شىققان تۇلەكتەردىڭ بىردە-ءبىرى اتالعان مەكەمە, كاسىپورىندارعا جۇمىسقا قابىلدانباپتى.
-ءبىز بۇدان اقتوبە قالاسىندا ورنالاسقان مەكەمە كاسىپورىن باسشىلارىنىڭ ۇسىنىستارى تەك كوللەدجدە وقيتىن وقۋشىلار سانىن جاساندى تۇردە كوبەيتۋ ماقساتىندا عانا جاسالعانىنا كوز جەتكىزە الامىز. سونىڭ سالدارىنان 112,6 ميلليون تەنگە بيۋدجەت قاراجاتى ءتيىمسىز تۇردە جۇمسالعان دەدى بۇل تۇرعىدا «Egemen.kz» تىلشىسىنە اقتوبە وبلىسى بويىنشا تەكسەرۋ كوميسسياسىنىڭ توراعاسى ساعات ەڭسەگەن ۇلى.
تەمىر قۇسايىن
