«ۇزاقمەرزىمدى ءوسىم اياق استىنان پايدا بولمايدى. جاۋھار نەمەسە مۇناي تاۋىپ, ءىسىڭىز ورگە باسۋى مۇمكىن شىعار, بىراق ۇزاقمەرزىمدى تابىس اياق استىنان پايدا بولمايدى. ول – مەملەكەتتىك ساياساتتىڭ جەمىسى, مەملەكەتتىك ورگانداردىڭ كاسىپكەرلەرمەن, جەكەمەنشىك سەكتورمەن بىرلەسىپ اتقارعان جۇمىسىنىڭ ناتيجەسى. بۇل جەردە ءتورت سالا بار. ونىمدىلىك پەن يننوۆاتسيانىڭ ۇزاقمەرزىمدى وسىمىنە قول جەتكىزۋ ءۇشىن وسى سالالار اسا ماڭىزدى دەپ سانايمىز.
بىرىنشىدەن, ماكروەكونوميكالىق زەرتتەۋ بويىنشا, ۇزاقمەرزىمدى جوسپاردا قۋاتتى قابىلەتسىز وسىمگە جەتۋ مۇمكىن ەمەس. ونسىز ينفلياتسيانى, داعدارىستى باقىلاۋعا الىپ, باعانىڭ قۇبىلۋىنا توتەپ بەرە المايسىز. قازىر ءبىز وسىدان 50 جىل بۇرىن بايىپ كەتۋى ءتيىس ەلدەردىڭ جاعدايىن كورىپ وتىرمىز. ولاردىڭ ماكروەكونوميكاسىنا قارايتىن بولساق, ءاربىر 10 جىل سايىن ماكروەكونوميكالىق داعدارىستاردىڭ ءۇش كەزەڭىن باستان وتكەرگەنىن كورۋگە بولادى. مۇنداي جاعدايدا ۇزاقمەرزىمدى ءوسىم تۇرعىسىنان ەشتەڭەگە قول جەتپەيتىنى انىق.
ەكىنشىدەن, قۋاتتى ينستيتۋتتار مەن زاڭنىڭ ۇستەمدىگى, مەملەكەتتىك باسقارۋدىڭ ساپاسى, كوشباسشىلىقتىڭ ءتيىمدى جۇيەسىمەن بىرلەسىپ, جەمقورلىقتى باقىلاۋدا ۇستاۋ ۇزاقمەرزىمدى ءوسىم ءۇشىن اسا ماڭىزدى.
ۇشىنشىدەن, بىلىمگە قۇيىلعان ينۆەستيتسيا جانە ادام كاپيتالى ەكەنى ايدان انىق. ونىمدىلىكتى جاقسارتۋ دارەجەسى جانە تەحنيكالىق يننوۆاتسيالار كوپ جاعدايدا جوعارى بىلىكتى ادام كاپيتالىنىڭ پايىزدىق كورسەتكىشىنە بايلاۋلى بولادى. مەن بۇل جەردە لاتىن امەريكاسىن مىسال ەتكىم كەلەدى. 200 جىلدان بەرى تاۋەلسىز, ورتا كىرىستى ەلدە الەمنىڭ ۇزدىك 400 ۋنيۆەرسيتەتىنىڭ قاتارىنا ەنەتىن بىردە-ءبىر ۋنيۆەرسيتەت جوق. سوڭعىسى, ءتورتىنشىسى, رەسۋرستاردى ءتيىمدى ءبولۋ مەن بەيىمدەلۋگە, ونى جاقسارۋعا, تيىمدىلىكتى ارتتىرۋعا, ءبىلىم مەن يننوۆاتسيالاردىڭ كەڭ تارالۋىنا ۇمتىلۋدى قامتاماسىز ەتەتىن باسەكەگە قابىلەتتى نارىق اشۋ ماسەلەسىنە باسىمدىق بەرىلۋى ءتيىس. ءال وسىم كەزەڭدەرىن سيپاتتايتىن كىتاپتارداعى مالىمەتتەر ءبىر-بىرىمەن قابىسپايدى. وسىمگە تەك قانا وقۋمەن عانا ەمەس, ىزدەنۋمەن جانە ءبىلىم مەن بىلىكتى تاجىريبەدە قولدانۋمەن عانا جەتۋگە بولادى», – دەدى بۇكىلالەمدىك بانك, ماكروەكونوميكا جانە بيۋدجەتتىك ساياسات جونىندەگى جاھاندىق تاجىريبە دەپارتامەنتىنىڭ ديرەكتورى.
