«بۇگىنگى كۇنگى يپوتەكا نارىعى جايىندا ءسوز قوزعار بولساق, وندا تۇرعىن ءۇي قۇرىلىس جيناق بانكى ەلدەگى يپوتەكا نارىعىنىڭ 67 پروتسەنتىن قامتىپ وتىر. ارينە, بۇل ءبىر جاعىنان وتە جاقسى كورسەتكىش جانە «بايتەرەكتىڭ» جۇمىس قورىتىندىسى. بىراق, سونىمەن قاتار نارىق ءۇشىن وزىندىك سىن-قاتەر دەسەك تە بولادى. ءبىز بۇل باعىتتاعى ءوز ۇلەسىمىزدى ايتارلىقتاي تومەندەتۋگە ءتيىسپىز. ۇلەستىڭ باسىم بولىگىنىڭ ءوسىمى وتكەن جىلى ءبىزدىڭ كوپ قارجى سالعانىمىزدان بولىپ وتىرعان جوق. قارجى ورتالىقتارى رەتىندەگى جەكە سەكتور ءبىز كۇتكەندەي قارجىنى ەكونوميكاعا سالىپ وتىرعان جوق», - دەدى ەربولات دوساەۆ.
وسى رەتتە حولدينگ باسشىسى ۇزاقمەرزىمدى ءارى ارزان نەسيەلەۋ بيزنەس ءۇشىن بۇگىنگى كۇنى جانە بولاشاقتاعى تابىستىڭ ەڭ نەگىزگى فاكتورى سانالاتىندىعىن باسا ايتتى.
«قازىرگى ۋاقىتتا كۆازيمەملەكەتتىك سەكتور, دامۋ ينستيتۋتتارى شىن مانىندە قاجەتتى قورلاندىرۋدى قامتاماسىز ەتەتىن قۇرىلىمداردىڭ بىرىنە اينالىپ وتىر. ءبىز ماڭىزدى مەملەكەتتىك جانە ۇكىمەتتىك باعدارلامالار بويىنشا ۇكىمەتتىڭ وپەراتورى, جاناما شارالاردى دامىتۋ ينستيتۋتتارى سانالامىز», - دەدى ەربولات دوساەۆ.
