سەسسياعا توراعالىق ەتكەن باتىس قازاقستان وبلىسىنىڭ اكىمى, وبلىستىق قازاقستان حالقى اسسامبلەياسىنىڭ توراعاسى التاي كولگىنوۆ ەلىمىزدە ۇلتتىق بىرلىكتى نىعايتۋ ءۇشىن جاسالىپ جاتقان شارالار جونىندە بايانداما جاسادى. «بۇگىنگى ءومىر بۇگىن بىزگە جاڭا مىندەتتەردى جۇكتەپ وتىر, بىراق ىنتىماقتا, ۇيلەسىمدە ءومىر ءسۇرۋ – قاي كەزدە دە كۇن تارتىبىنەن تۇسپەيتىن ماڭىزدى تالاپ», − دەدى التاي سەيدىر ۇلى.
ءوڭىر باسشىسى «100 جاڭا ەسىم» باستاماسى بويىنشا ايماقتىڭ ءوز ءتىزىمى بولۋى كەرەك دەگەن يدەيانى كوتەردى. سونىمەن بىرگە, «رۋحاني جاڭعىرۋ» باعدارلاماسى بويىنشا 3 باعىتتا جۇمىس جۇرگىزىلەتىنىن, ولكەتانۋ, ينفراقۇرىلىمداردى دامىتۋ جانە تۋعان جەرىنە قولداۋ بىلدىرەتىن مەتسەناتتاردى قولداۋ قاجەتتىگىن باسا ايتتى. ءوزىنىڭ تۋعان جەرى – سارىقۇدىق اۋىلىندا امبۋلاتوريا عيماراتىن ءوز قارجىسىنا سالىپ بەرگەن كاسىپكەر, «دارحان» شارۋا قوجالىعىنىڭ جەتەكشىسى نۇرلىباي جولدىباي ۇلىن مىسالعا كەلتىرىپ, ء«بىز مۇنداي پاتريوت جەرلەستەرىمىزدى قولداپ, ارنايى ماراپاتتاپ وتىرۋىمىز كەرەك. سوندىقتان ء«وڭىردىڭ دامۋىنا ۇلەس قوسقانى ءۇشىن» دەگەن ارنايى بەلگى جونىندە ەرەجە بەكىتۋدى ۇسىنامىن», دەدى وبلىس اكىمى.
سەسسيا مىنبەرىندە باتىس قازاقستان وبلىستىق قوعامدىق كەلىسىم كەڭەسى توراعاسىنىڭ ورىنباسارى, V شاقىرىلعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى ۆيكتور كيانسكي, جاڭاقالا اۋداندىق قوعامدىق كەلىسىم كەڭەسىنىڭ توراعاسى, اۋداندىق ءماسليحات حاتشىسى زاكاريا سيسەنعالي, ءبورلى اۋداندىق كورەي ەتنومادەني بىرلەستىگىنىڭ توراعاسى, شىعىس مەديتسينا دارىگەرى ۆيتالي ان, «باتىس قازاقستان وبلىسىنىڭ ازاماتتىق اليانسى» زاڭدى تۇلعالار بىرلەستىگىنىڭ توراعاسى ايگۇل تۇركينا, تاعى باسقالار ءسوز سويلەدى.
سەسسيا بارىسىندا كوڭىل تولقىتارلىق ءبىر ءسات – ءبورلى اۋداندىق كورەي ەتنومادەني بىرلەستىگىنىڭ توراعاسى ۆيتالي كونستانتينوۆيچتىڭ «قازاق جەرىنە تاعدىر ايداپ كەلگەن سان ۇلتتى جاتسىنباي باۋىرىنا باسىپ, بارىمەن بولىسكەن, تەڭ اتانىڭ ۇلىنداي قابىلداعان قازاق حالقىنا باسىمدى ءيىپ, تىزەمدى بۇگەمىن!» − دەپ كوپتىڭ الدىندا تىزە بۇككەنى بولدى.
سەسسيا سوڭىندا دەلەگاتتار قازاقستان رەسپۋبليكاسىنىڭ پرەزيدەنتى, قازاقستان حالقى اسسامبلەياسىنىڭ توراعاسى ن.ءا.نازارباەۆتىڭ ححV سەسسيادا قويعان تاپسىرمالارىن جۇزەگە اسىرۋ, مۇنى باتىس قازاقستان وبلىسى اۋداندارى مەن ورال قالاسىنىڭ اكىمىنە مىندەتتەۋ تۋرالى شەشىم الدى. سونىمەن بىرگە, باتىس قازاقستان وبلىسى قازاقستان حالقى اسسامبلەياسىنىڭ 2025 جىلعا دەيىنگى دامۋ تۇجىرىمداماسى قابىلداندى.
قازبەك قۇتتىمۇرات ۇلى
«ەگەمەن قازاقستان»
رال
