وقىتۋ جۇيەسىن جاڭعىرتۋ ارقىلى قويىلاتىن مۇددە – جوعارى كاسىبي جانە ينتەللەكتۋالدى دەڭگەيدەگى مامانداردى دايىنداۋمەن قاجەتتىلىگى ارتىپ جاتقان ەڭبەك نارىعىن قاناعاتتاندىرۋ. كرەديتتىك تەحنولوگيانىڭ نەگىزگى باسىمدىقتارىن جۇزەگە اسىرۋ ماقساتىندا ەندى ستۋدەنتتەر تەك قانا تاڭداۋ پاندەرىن عانا ەمەس, سونىمەن قاتار وقىتۋشىلاردى دا تاڭداي الادى, بۇل – ءوز كەزەگىندە, پەداگوگتاردىڭ ء يميدجىن كوتەرۋىنە ءتيىستى جاعداي جاسايدى.
ۋنيۆەرسيتەتىمىزدە وقۋ ءۇردىسىن ۇيىمداستىرۋ وقىتۋدىڭ كرەديتتىك تەحنولوگياسى بويىنشا جۇرگىزىلەدى. بۇل ماقساتتا بارلىق ماماندىق بويىنشا (85 باكالاۆر, 63 ماگيستراتۋرا جانە 14 PhD دوكتورانتۋراسى) ءمودۋلدى ءبىلىم بەرۋ باعدارلامالارى دايىندالىپ, ءبىلىم الۋشىلاردىڭ قاجەتتى ءبىلىم الۋىنا, يكەمدىلىگىنە, بىلىكتىلىگىنە جانە قۇزىرەتتىلىگىنە قۇرىلعان. سونىمەن قاتار, ۋنيۆەرسيتەتىمىزدە 2014-2015 وقۋ جىلىنان باستاپ دۋالدى ءبىلىم بەرۋ جۇيەسى بويىنشا وقۋ ءۇردىسى ۇيىمداستىرىلعان. قازىرگى تاڭدا 5 باكالاۆر ماماندىعى دۋالدى ءبىلىم بەرۋ جۇيەسىمەن وقىتىلۋدا. ستراتەگيالىق جوسپارعا سايكەس, 2020 جىلعا دەيىن دۋالدى ءبىلىم بەرۋ جۇيەسىمەن وقىتىلاتىن ماماندىقتار سانىن 20-عا جەتكىزۋ كوزدەلگەن.
ەلباسى ماقالاسىندا «تابىستى بولۋدىڭ ەڭ ىرگەلى, باستى فاكتورى ءبىلىم ەكەنىن اركىم تەرەڭ ءتۇسىنۋى كەرەك. جاستارىمىز باسىمدىق بەرەتىن مەجەلەردىڭ قاتارىندا ءبىلىم ءاردايىم ءبىرىنشى ورىندا تۇرۋى شارت. سەبەبى, قۇندىلىقتار جۇيەسىندە ءبىلىمدى بارىنەن بيىك قوياتىن ۇلت قانا تابىسقا جەتەدى», دەپ اتاپ ايتتى. تىم تەرەڭنەن تامىر تارتقان قازاق ءتىلىن بىرتىندەپ لاتىن الىپبيىنە كوشىرۋ, اعىلشىن ءتىلىن جاپپاي جانە جەدەل ۇيرەنۋ − جاھاندىق الەمگە ەركىن كىرىگىپ, جۇمىس ىستەۋدىڭ باستى شارتى ەكەندىگىن جەتكىزدى. مەملەكەت باسشىسىنىڭ العا قويعان ماسەلەلەرىنە سايكەس, 2011-2020 جىلدارعا ارنالعان ءبىلىمدى دامىتۋدىڭ مەملەكەتتىك باعدارلاماسى ءبىلىم بەرۋ سالاسىندا ستراتەگيالىق باسىمدىقتاردى انىقتايدى. باعدارلاما جالپى ءبىلىم بەرەتىن مەكتەپتەردە وقۋشىلارعا كوپتىلدى ءبىلىم بەرۋدى دامىتۋدىڭ ماڭىزدىلىعىنا پەداگوگتاردىڭ نازارىن اۋدارتادى. كوپتىلدىلىك بىرنەشە شەت ءتىلىن مەڭگەرىپ قانا قويماي, كوپتىلدى قۇزىرەتتىلىككە يە مادەنيەتتى تۇلعانىڭ قالىپتاسۋىنىڭ نەگىزى رەتىندە قاراستىرىلادى. م.اۋەزوۆ اتىنداعى وقمۋ-دا باكالاۆريات ماماندىقتارى بويىنشا ءبىلىم الاتىن ستۋدەنتتەر ءۇشىن اعىلشىن تىلىندە پاندەردى وقىتۋ 2005-2006 وقۋ جىلىنان بەرى جۇرگىزىلىپ كەلەدى.
اعىمداعى وقۋ جىلىندا پاندەردى شەت تىلىندە وقىتۋ 11 فاكۋلتەتتە جۇرگىزىلدى جانە پەداگوگيكالىق, ينجەنەر-تەحنيكالىق جانە جاراتىلىستانۋ-عىلىمي باعىتتاعى 30 ماماندىق بويىنشا 600 ستۋدەنتتى قامتيتىن 70 ارنايى توپ قۇرىلدى. 20 پەداگوگيكالىق ماماندىقتاردا 2016-2017 وقۋ جىلىنان باستاپ ءۇش تىلدىك ءبىلىم بەرۋ جۇيەسى ەنگىزىلدى. پاندەردى اعىلشىن تىلىندە جۇرگىزەتىن وقىتۋشىلار, تىلدىك دەڭگەيىن انىقتاۋ ماقساتىندا اكادەميالىق ماسەلەلەر جونىندەگى دەپارتامەنتتىڭ شەت تىلدەرىندە ءبىلىم بەرۋ ساپاسىن قامتاماسىز ەتۋدى ۇيىمداستىرۋ جانە باقىلاۋ ءبولىمىنىڭ قىزمەتكەرلەرىنەن تەستىلەۋ مەن اڭگىمەلەسۋدەن ءوتىپ, اعىلشىن تىلىندە ساباق جۇرگىزۋگە رۇقسات الادى. اعىلشىن تىلىندە ساباق جۇرگىزۋگە IELTS, TOEFL سەرتيفيكاتتارى بار نەمەسە Intermediate دەڭگەيىن مەڭگەرگەنى تۋرالى سەرتيفيكاتتارى بار وپق جىبەرىلەدى جانە جىلدىق جۇكتەمەلەرى 1:2 قاتىناستا ديففەرەنتسيالانادى.
تىلدىك پاندەر بويىنشا وتاندىق وقۋلىقتار مەن وقۋ-ادىستەمەلىك كەشەندەر ازىرلەنۋدە. پەداگوگيكالىق ماماندىقتاردىڭ بەيىندىك پاندەرى بويىنشا شەت ەل وقۋلىقتارىنا بەيىمدەۋ جۇرگىزىلۋدە. جوعارى مەكتەپ ءۇشىن مەملەكەتتىك جانە اعىلشىن تىلدەرىندە وقۋلىقتار ازىرلەنىپ, اۋدارىلىپ, باسپادان شىعارىلۋدا. 2015-2020 جىلدارعا ارنالعان ءۇش ءتىلدى ءبىلىم بەرۋدى دامىتۋ جول كارتاسىندا ء«ۇش ءتىلدى ءبىلىم بەرۋدى ءتيىمدى ەنگىزۋ ءۇشىن پەداگوگيكالىق كادرلاردى دايارلاۋ جانە قايتا دايارلاۋ» جۇيەسىن جەتىلدىرۋگە ەرەكشە كوڭىل بولىنگەن. سونىمەن قاتار, ءۇش ءتىلدى ءبىلىم بەرۋدى دامىتۋ جول كارتاسى نەگىزىندە جاسالعان جوسپارعا سايكەس ۋنيۆەرسيتەتتە اعىلشىن توپتارىنا ساباق بەرەتىن وپق-نىڭ ساتىلى تۇردە بىلىكتىلىگىن ارتتىرۋ جۇمىستارى جۇرگىزىلۋدە.
م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىنىڭ پروفەسسور-وقىتۋشىلار قۇرامى بولاشاق جاس مامانداردى دايىنداۋدا جاستاردى تاربيەلەپ, ء بىلىم بەرۋدە اتقارىپ جاتقان ەڭبەكتەرى وراسان زور. ۇستازدارىمىزدىڭ ايانباي ەڭبەك ەتۋىنىڭ ارقاسىندا, ۋنيۆەرسيتەت تۇلەكتەرى قازاقستاننىڭ بارلىق ايماقتارىندا ەڭبەك ەتىپ كەلەدى جانە ۇلكەن سۇرانىستارعا يە. ەلباسى ماڭگىلىك ەلگە باستايتىن, ابىرويلى ءارى مارتەبەلى جولدى جالعاستىراتىن جاستارعا, زور سەنىم ارتىپ وتىر. ويتكەنى, وتانىمىزدىڭ بولاشاعىن باياندى ەتىپ, اعا بۋىن سالىپ كەتكەن سارا جولدى جالعاستىراتىن – جاستار! سوندىقتان, الەمنىڭ دامىعان ەلدەر قاتارىنا ەنۋ جولىندا ايانباي ەڭبەك ەتىپ, قازاق ەلىن تورتكۇل دۇنيەگە تانىتۋ – تىكەلەي جاستاردىڭ قولىندا. جاس بۋىن وكىلدەرىنە ارنالعان مەملەكەتتىك باعدارلامالار ءساتتى جۇزەگە اسۋدا. سوڭعى جىلدارى جوعارى ءبىلىم الۋعا بەرىلەتىن گرانتتار سانى ۇلعايتىلىپ, مەملەكەتتىك «بولاشاق» باعدارلاماسى اياسىندا جاس قازاقستاندىقتار الەمنىڭ تاڭداۋلى وقۋ ورىندارىندا وزىق ءبىلىم الۋدا. قازىرگى تاڭدا ەلىمىزدەگى مەملەكەتتىك باعدارلامالاردى جۇزەگە اسىرۋشى دا, جەمىسىن كورۋشى دە – جاستار. سوندىقتان, جاستار وزدەرىنە ارتىلىپ جاتقان سەنىمدى ۇلكەن جاۋاپكەرشىلىكپەن اقتاۋعا مىندەتتى. ەلباسىنىڭ جاستار ساياساتىنىڭ دامۋىن ناقتىلاي تۇسكەنى – جاستارعا ۇلكەن سەنىم ارتقانى دەپ قابىلدايمىز. مەرەيلى ىستەردىڭ بەرەكەلى باستاۋى بەلگىلەنگەن تاريحي قۇجاتتا ۇلتتىق يدەيانىڭ تۇعىرى ايقىندالىپ, قازاق ءتىلىنىڭ ماڭگىلىك ءتىل ەكەندىگى ايتىلدى. ءدال وسى «ماڭگىلىك ەل» ۇعىمى ۇلتتى ۇيىستىرىپ, بولاشاققا بەت العان باعدارىمىزدىڭ دۇرىستىعىنا كەپىل بولا الادى.
قانات بايبولوۆ,
م.اۋەزوۆ اتىنداعى وقمۋ-ءدىڭ وقۋ ءىسى جانە اقپاراتتىق تەحنولوگيالار ءىسى جونىندەگى پرورەكتورى
