اسەم تابيعاتپەن تاڭداندىرۋ ماقساتىندا بيىل تۋريستەر تۇڭعىش رەت اتقا ءمىنىپ ارالايدى. اينالا كيىز ۇيلەر تولى ەتنو-اۋىلدار قۇرىلادى. اۋدان اكىمدىگى دە تۋريستەردى قارسى الامىز دەپ جاسىباي, سابىندىكول, تورايعىر كولدەرىنىڭ جاعالاۋىن جاڭالاپ, اۋدان ورتالىعى باياناۋىل مەن تورايعىر اۋىلىندا جوندەۋ, جاڭعىرتۋ جۇمىستارىن جۇرگىزدى.ءبارى دە تۋريستەردى قارسى الۋعا دايىن.
وڭىردەگى «سايات پاۆلودار» جانە «پيات زۆەزد» تۋريستىك كومپانيالارى ەحرو – 2017 ۇلتتىق كومپانياسىمەن كەلىسىمشارتقا وتىرىپ, كورمەدە شەتەلدىكتەرگە قىزمەت كورسەتەتىن ۇيىمدارداردىڭ قاتارىنا قوسىلدى. كەلىسىمشارت شەڭبەرىندە وبلىستا 5 تۋريستىك مارشرۋت اشىلماقشى. شەتەلدىكتەرگە «پاۆلودار – ەرتىس جاعاسىنداعى قالا», «باياناۋىل اڭىزدارى – 1», «باياناۋىل اڭىزدارى – 2», «شالداي ورمانىنا ساياحات» جانە «ەرتىس-بايان ءوڭىرى» دەگەن مارشرۋتتار بەلگىلەندى.
بۇل باعىتتاردا تۋريستەر باياناۋىلدىڭ جاسىباي, سابىندىكول كولدەرى, ءماشھۇر ءجۇسىپ كەسەنەسى, عابدۇلۋاحيت حازىرەت كەسەنەسى, «قاز قوناق» ەسكەرتكىشتەرى بار. نەگىزگى مارشرۋتتار ءوڭىردىڭ باياناۋىل, لەبياجى, شارباقتى اۋداندارىنىڭ جانە پاۆلودار مەن ەكىباستۇز قالالارىنىڭ اۋماعىنا ارنالۋى كەرەك.
اۋدان اكىمى ورازگەلدى قايىرگەلدينوۆتىڭ ايتۋىنشا, 10 ماۋسىمدا ارنايى تۇردە تۋريستىك ماۋسىم اشىلدى, جىل بويى جاسالعان جۇمىستار تانىستىرىلدى, ناتيجەسىندە باياناۋىل ەكسپو-2017 كورمەسىنە كەلگەن تۋريستەردى قابىلداۋعا دايىن, بۇل جۇمىستاردان باسقا, تۋريستەرگە قولايلى بولۋ ءۇشىن سالىنعان شاعىن اەرودرومنىڭ اشىلۋىنا وبلىستىق بيۋدجەتتەن 3 ملرد تەڭگە ءبولىنىپتى. ۇشاق استانادان قاراعاندى ارقىلى تۋريستەردى باياناۋىلعا جەتكىزەدى. تورايعىر كولىنىڭ جاعاسىندا ورنالاسقان «اقجاننا» تۋريستىك-اقپاراتتىق ورتالىعى تۋريستەردىڭ دەمالىپ, جاقسى ساياحاتتاپ, باياناۋىلدىڭ اسەم تابيعاتىمەن تانىسۋعا بارلىق مۇمكىندىكتەرى جاساۋدا.
فاريدا بىقاي,
«ەگەمەن قازاقستان»
