اۆتوردىڭ ايتۋىنشا, شىۇ بۇگىنگى تاڭدا ايگىلى, ابىرويلى جانە امبەباپ حالىقارالىق بىرلەستىك, ايماقتا قاۋىپسىزدىك پەن تۇراقتىلىقتى قامتاماسىز ەتۋدە اسەر ەتۋشى فاكتور بولىپ تابىلادى. «ونىڭ باسقا ۇيىمداردان باستى ايىرماشىلىعى, 15 جىل بۇرىن, سانكت-پەتەربۋرگتە ەكىنشى سامميتتە جينالىپ جانە شىۇ حارتياسىن قابىلداپ, ۇيىمنىڭ قۇرىلتايشى مەملەكەتتەرىنىڭ باسشىلارى ونىڭ بارلىق مۇشەلەرىنىڭ تەڭ قۇقىقتىق ءپرينتسيپىن قالادى. جوعارى دەڭگەيلى سەنىمدىلىك, «شانحاي رۋحى» جانە بىرىككەن دامۋعا ورتاق ۇمتىلىس شىۇ-نى جاڭا ۇلگىدەگى ۇيىمعا, حالىقارالىق قاتىناستاردىڭ كوپپوليارلىق جۇيەسىن قالىپتاستىراتىن, قىزىعۋشىلىق تۋدىراتىن ورتالىقتاردىڭ بىرىنە اينالدىردى», دەدى سپيكەر.
اۆتوردىڭ سوزىنشە جارىق كورىپ وتىرعان كىتاپ – شىۇ-نىڭ 15 جىل ىشىندە اتقارعان قىزمەتىنە تەرەڭ ءۇڭىلىپ, تاريحىمەن كەڭىرەك تانىسۋعا مۇمكىندىك بەرەتىن بىردەن-ءبىر ەڭبەك. كىتاپتا شىۇ-نىڭ پايدا بولۋى, تاريحى جانە حالىقارالىق بىرلەستىككە مۇشە مەملەكەتتەردىڭ فيلوسوفيالىق جانە يدەيالىق نەگىزىنىڭ قالىپتاسۋى مەن بەكىتىلۋ كەزەڭدەرى تۋرالى ماتەريالدار جيناقتالعان.
«ۆەس مير» باسپاسىنان جارىق كورگەن كىتاپتا, سونداي-اق, ۇيىمنىڭ نەگىزگى وقيعالارى مەن ءىس-شارالارى جازىلىپ جانە دە نەگىزگى قۇجاتتاردىڭ ماتىندەرى, ونىڭ ىشىندە شىۇ حارتياسىنىڭ ءماتىنى, شىۇ-نىڭ 2025 جىلعا دەيىنگى دامۋ ستراتەگياسى, «شىۇ-نىڭ وتباسى» مەملەكەتتەرىنىڭ ستاتيستيكالىق مالىمەتتەرى كورسەتىلگەن.
راۋان قايدار,
«ەگەمەن قازاقستان»
