ەكى تاراپقا دا ءتيىمدى اگروونەركاسىپتىك-لوگيستيكالىق كەشەن ءونىمدى وندىرۋدەن باستاپ, ونى جەتكىزۋ جانە ساتۋعا دەيىنگى كلاستەر جۇيەسىن قۇرايتىن بولادى. وبلىس اكىمى قۇمار اقساقالوۆ قىتاي مەن سينگاپۋردان كەلگەن ينۆەستورلارمەن كەزدەسۋدە وسى جانە وزگە دە جوبالاردى جۇزەگە اسىرۋ جايىن تالقىلادى.
استىقتى ءوڭىردىڭ توپىراعى وتە قۇنارلى, ورتاشا بونيتەتى 55 بالعا تەڭ. ءشوبى شۇيگىندى كەلەتىندىكتەن, مال وسىرۋگە دە قولايلى. ينۆەستورلاردى وبلىستىڭ وسىنداي تابيعي ارتىقشىلىقتارى قاتتى قىزىقتىراتىن كورىنەدى. ەكونوميكانىڭ باسقا سالالارىنا دا قارجى قۇيۋعا ىنتالى.
« اۋىل شارۋاشىلىعى – نەگىزگى كاسىبىمىز. سوندىقتان بۇل سالانى دامىتۋعا مۇددەلىمىز. ينۆەستورلارعا بارىنشا جاعداي تۋدىراتىن بولامىز», دەدى ق. اقساقالوۆ.
“تايىنشا ماي” جشس-ءنىڭ قۇرىلتايشىسى تسزيا حەي كاسىپورىندى دامىتۋ جوسپارىمەن ءبولىستى. ونىڭ ايتۋىنشا, كومپانيا بۇل زاۋىتتىڭ نەگىزىندە اگروونەركاسىپتىك كەشەن سالىپ, لوگيستيكالىق جۇيە قۇرماق.
“ايتسزيۋ” كومپانياسىنىڭ ماقساتى – لوگيستيكالىق تىزبەك قۇرۋ. الەمدىك نارىقتا ءونىمدى ۋاقىتىندا, ساپاسىنا نۇقسان كەلتىرمەي جەتكىزۋدىڭ ماڭىزى زور. بۇل قازاقستان پرەزيدەنتى نۇرسۇلتان نازارباەۆتىڭ “نۇرلى جول” باعدارلاماسىنا جانە قىتاي پرەزيدەنتى سي ءتسزينپيننىڭ ء“بىر بەلدەۋ – ءبىر جول” جوباسىنا ساي كەلەدى», دەدى تسزيا حەي.
“ايتسزيۋ” كومپانياسى بۇل جوبانى شەتەلدىك “Salim Wanye” فيرماcىمەن بىرلەسىپ جۇزەگە اسىرماق. ينۆەستورلاردىڭ مۇمكىندىكتەرى جايلى قىتايدىڭ “مينجونگ” ازىق-ت ۇلىك كورپوراتسياسىنىڭ وڭىرلىك جوبالار بويىنشا ديرەكتورى سەم ونگ كەڭىنەن ايتىپ بەردى. ايتۋىنشا, اتالمىش كورپوراتسيا قۇرامىنا 1400 كومپانيا كىرەدى ەكەن. ولار ازىق-ت ۇلىك وندىرىسىنەن باستاپ تاۋ-كەن ونەركاسىبى, قوناق ءۇي جانە مەيرامحانا بيزنەسى, ءىت-تەحنوولوگيا جانە تاعى باسقا سالالاردا جۇمىس ىستەيدى.
ەكىجاقتى كەزدەسۋدە تاراپتار ىنتىماقتاستىقتى ارتتىرۋدىڭ جولدارىن قاراستىرىپ, بىرىگىپ جۇزەگە اسىرۋعا بولاتىن جوبالاردى ناقتىلادى.
ءومىر ەسقالي,
سولتۇستىك قازاقستان وبلىسى.
