«حالىقارالىق بالالاردى قورعاۋ كۇنىن كەڭ مەرەكەلەۋ جىل سايىن جالعاسىپ كەلە جاتقان ءداستۇرىمىز دەسەك بولادى. مەرەكەلەۋ قارساڭىندا ءتۇرلى جاعدايلار ورىن الىپ جاتادى. بۇل رەتتە ىشكى ىستەر مينيسترلىگىنىڭ توتەنشە جاعدايلار كوميتەتى قاۋىپسىزدىك شارالارىن قولعا الىپ جاتىر», - دەدى ول.
سونىمەن قاتار, ول كوميتەت تاراپىنان اتقارىلىپ جاتقان بىرقاتار ىستەردى اتاپ, «اتا-انالار ءۇشىن جارنامالار تاراتىلاتىنىن, ءتۇرلى جيىندار بولاتىنىن, الەۋمەتتىك جەلىلەر ارقىلى نۇسقاۋلىقتار تاراتىلاتىنىن, بالالار ءۇشىن ينتەراكتيۆتى ساباقتار وتكىزىلەتىندىگىن, ءارتۇرلى ەكسكۋرسيا ۇيىمداستىرىلاتىنىن, اشىق ەسىك كۇندەرى جۇمىس جاسايتىنىن تىلگە تيەك ەتتى.
سپيكەردىڭ سوزىنشە بالانىڭ باس اماندىعىنا ەڭ ءبىرىنشى ونىڭ اتا-اناسى جاۋاپكەرشىلىكپەن قاراعان ءجون.
«قانشا جەردەن ساقتىق شارالارىن ىسكە اسىرعانىمىزبەن بالالاردىڭ قاتىسۋىمەن ءتۇرلى توتەنشە جاعدايلار ورىن الىپ جاتقانى وكىنىشتى. ستاتيستيكالىق ساندارعا جۇگىنەتىن بولساق, بيىل رەسپۋبليكا بويىنشا 52 ادامنىڭ ىشىنەن 27 بالا سۋعا باتىپ كەتكەن. بۇنداي جاعدايلار كوبىنەسە ازاماتتار مەن اتا-انالاردىڭ ءوز بالالارىنا سالعىرت قاراۋ سەبەبىنەن تۋىندايدى», - دەگەن توتەنشە جاعدايلار كوميتەتىنىڭ رەسمي وكىلى بالالاردى ۇنەمى قورعاپ جۇرۋگە شاقىردى.
