بيىل دا سولاي بولدى. بۇل باسقوسۋ اقتوبەدە وتكىزىلىپ, كورشىلەرگە ەگىس كەمىرگىشتەرىنە قارسى قولدانىلاتىن جاڭا قۇرال-جابدىقتار تانىستىرىلدى. ونىڭ ىشىندە اۋە تەحنيكاسى دا بار. ءوزىن تاجىريبەدە اقتاعان نارسە جوعالمايدى. بۇدان كەيىن دە كادەگە اسا بەرەدى. سوندىقتان شەكارالاس وڭىرلەر مەن اگروقۇرىلىمدار جەتەكشىلەرى ولقى تۇستارعا كوبىرەك نازار اۋداردى. ءارى وسى باعىتتاعى ورتاق جۇمىستاردى جەتىلدىرە ءتۇسۋ قاجەتتىگى جونىندە ۇيعارىمعا كەلدى. ەڭ باستىسى بۇعان دەيىنگى بىرلەسكەن جوبالار مەن ءوزارا تاجىريبە الماسۋلار ءوز ناتيجەسىن بەرە باستاعانى سۇيسىندىرەدى.
ورىنبور ۇكىمەتى اۋىلشارۋاشىلىعى ازىق-ت ۇلىك جانە وڭدەۋ ونەركاسىبى ءمينيسترىنىڭ ورىنباسارى ميحايل ماسلوۆتىڭ ايتۋىنشا, بۇدان بەس جىل بۇرىن 120 مىڭ گەكتار ەگىستىكتى جايلاپ العان شەگىرتكەلەردىڭ ۇياسىن جويۋعا تۋرا كەلسە, وتكەن جىلى ونىڭ كولەمى 300 گەكتاردان اسپاعان. ول مۇنى اقتوبەلىك ارىپتەستەرىمەن ورنىققان ورتاق ءىستىڭ ناتيجەسى دەپ ەسەپتەيدى.
وسىنداي وڭ مىسالدار اقتوبە ايماعىنا دا ءتان بولىپ وتىر. بۇل جونىندە «ەگەمەن قازاقستان» تىلشىسىنە وبلىس اكىمىنىڭ ورىنباسارى مۇحتار جۇماعاليەۆ ايتىپ بەردى. شەگىرتكەنى جانە باسقا دا ەگىستىك زيانكەستەرىن بىرلەسىپ جويۋ جونىندەگى ماسەلەلەر اقتوبە مەن ورىنبور وبلىستارى اراسىنداعى شەكارالىق ىنتىماقتاستىق جونىندەگى كەلىسىمگە سايكەس ىسكە اسىپ كەلەدى.
تەمىر قۇسايىن,
«ەگەمەن قازاقستان».
اقتوبە
