بيىل ەلىمىزدە 136 مىڭ تۇلەك وقۋىن اياقتايدى. ولاردىڭ 6280-ءى «التىن بەلگىگە» ۇمىتكەر. ءبىلىم جانە عىلىم مينيسترلىگىنىڭ مالىمەتىنە سايكەس, قازاق تىلىندە ءبىلىم العان تۇلەكتەردىڭ سانى 90800 بولسا, ءورىستىلدى سىنىپتار 39300 بالانى ءبىلىم نارىمەن سۋسىنداتقان. وزگە تىلدەردە وقىعاندار 6 مىڭنان اسادى.
تۇلەكتەر سانى ەڭ كوپ ايماققا وڭتۇستىك قازاقستان وبلىسى, الماتى وبلىسى جانە الماتى قالاسى كىرەدى. ال استانادا 5 مىڭعا جۋىق وقۋشى مەكتەپ ءبىتىردى.
قازاقستاندا 95340 تۇلەك ۇلتتىق بىرىڭعاي تەستىلەۋدەن وتۋگە تىلەك بىلدىرگەن. جاڭا ۇلگىدەگى ءبىلىم سىناعى 20 ماۋسىمدا باستالىپ, 1 شىلدەگە دەيىن جالعاسادى. ال اتتەستاتتاردى تاپسىرۋ ءراسىمى مەكتەپ اكىمشىلىگىنىڭ شەشىمى بويىنشا 10-12 ماۋسىم ارالىعىندا ءوتۋى كەرەك. ويتكەنى مينيسترلىك وقۋدى اياقتاۋ شارالارىن 15 ماۋسىمعا دەيىن مەكتەپ قابىرعاسىندا وتكىزۋدى ۇسىنعان بولاتىن.
