وزبەكستاندا پرەزيدەنت سايلاۋدا داۋىس بەرۋ اياقتالدى, - دەپ حابارلايدى
ريا نوۆوستي. وسىلايشا داۋىس بەرۋ اياقتالدى. بۇگىن كۇندىزگى ساعات 11-دە ەلدىڭ ورتالىق سايلاۋ كوميسسياسى سايلاۋدى «ءوتتى» دەپ جاريالاعان بولاتىن. ويتكەنى, ول كەزگە دەيىن 6,89 ميلليون سايلاۋشى داۋىس بەرىپ ۇلگەرگەن-ءدى. بۇل – جالپى تىزىمدەگى داۋىس بەرۋشىلەردىڭ 33,73 پايىزى. كونستيتۋتسيا بويىنشا سايلاۋشىلاردىڭ 33%-ى داۋىس بەرسە, سايلاۋ وتكەن بولىپ ەسەپتەلەدى.
وزبەكستانداعى پرەزيدەنت سايلاۋىنا ەلدە بار ءتورت ساياسي پارتيادان كانديداتتار قاتىستى.
پرەزيدەنت مىندەتىن اتقارۋشى, ءارى پرەمەر-مينيستر شاۆكات ميرزيەەۆ وزبەكستاننىڭ ليبەرال-دەموكراتيالىق پارتياسىنان سايلاۋعا ءتۇستى. ول ەلدى اسكەري-ساياسي بلوكتارعا قوسپاۋ جانە تمد مەملەكەتتەرىمەن قارىم-قاتىناستى دامىتۋ ساياساتىن ۇستاناتىنىن ايتادى. تاعى ەكى كانديدات – پارلامەنتتىڭ تومەنگى پالاتاسىنىڭ ۆيتسە-سپيكەرى سارۆار وتامۋرادوۆ ("ميللي تيكلانيش" ۇلتتىق-دەموكراتيالىق پارتياسىنىڭ اتىنان شىققان) جانە سوتسيال-دەموكراتيالىق "ادولات" پارتياسىنىڭ اتىنان شىققان ناريمان ۋماروۆ رەسەيمەن وداقتىق بايلانىس جانە ستراتەگيالىق قارىم-قاتىناستاردى ساقتاپ, دامىتۋعا شاقىرادى. وزبەكستاننىڭ حالىقتىق-دەموكراتيالىق پارتياسى كوشباسشىسى حوتامجون كەتمونوۆ تۇرعىنداردى جۇمىسپەن قامتۋ جانە تۇرعىن ءۇي كوممۋنالدىق شارۋاشىلىعىندا تاريف ساياساتى باعدارلامالارىن جۇزەگە اسىرۋعا نازار اۋدارعان بولاتىن.
وزبەكستاننىڭ 21,4 ميلليون ازاماتى داۋىس بەرۋ قۇقىنا يە. سايلاۋدى وتكىزۋ ءۇشىن 12 سايلاۋ كوميسسياسى قۇرىلعان, 9 381 سايلاۋ ۋچاسكەسى اشىلعان, ونىڭ ىشىندە 44-ءى وزبەكستاننىڭ 36 ەلدەگى وكىلدىكتەرىندە.
سايلاۋدى 80 مىڭعا تاياۋ جەرگىلىكتى باقىلاۋشى جانە حالىقارالىق 600-دەي حالىقارالىق باقىلاۋشى قارايدى, سونىمەن قاتار, ءتۇرلى ۇيىمداردىڭ, تمد, ەۋروپاداعى قاۋىپسىزدىك جانە ىنتىماقتاستىق ۇيىمى, شانحاي ىنتىماقتاستىق ۇيىمى, يسلام ارىپتەستىك ۇيىمى, دۇنيەجۇزىلىك سايلاۋ ورگاندارى قاۋىمداستىعى. سايلاۋ تۋرالى 20 ەلدە 1,3 مىڭ جۋرناليست اقپارات تاراتادى.
الدىن-الا قورىتىندى دۇيسەنبى تاڭەرتەڭ بەلگىلى بولۋى مۇمكىن.
وزبەكستاننىڭ العاشقى پرەزيدەنتى يسلام كاريموۆ بيىل قىركۇيەكتە 78 جاسىندا قايتىس بولعان ەدى.
(فوتو ريا نوۆوستي)
