كومەديا جانرىنىڭ حاس شەبەرى گولليۆۋدتىق رەجيسسەر چاك راسسەل «قازاقفيلم» كينوستۋدياسىنا كەلدى

وسى كۇندەرى ەۋرازيا اۋماعىنداعى ەڭ اۋقىمدى كينوفەستيۆالعا قاتىسۋ ماقساتى­مەن قازاقستانعا الەمگە اتى ءماشھۇر كينەماتوگرافيا وكىلدەرىنىڭ جولى ءتۇسىپ وتىر. مىنە, فانتاستيكالىق كومەديا جانرىنداعى اسا تابىستى فيلمدەرى ارقىلى داڭقى شىققان گولليۆۋدتىق رەجيسسەر چاك راسسەل دە ال­ماتىعا كەلدى. ونىڭ دجيم كەرري سىندى اكتەردىڭ تا­لان­تىن اشقان «ماسكا», «مۋميا ورالادى», دۋەين دجونسون ويناعان «سارىشاياندار پات­شاسى», ارنولد شۆارتسەنەگگەردىڭ قاتىسۋى­مەن تۇسىرىلگەن «ستيراتەل» نەمەسە «كوشمار نا ۋليتسە ۆيازوۆ» سياقتى كينولەنتالارىن تا­ماشالاماعان جان كەمدە كەم بولار؟! ەشقانداي تانىستىرۋ مەن جارناماعا مۇق­تاج ەمەس رەجيسسەردىڭ بۇل قازاق جەرىنە تۇڭعىش قادام باسۋى. – مەن قازاقستانعا كەلگەنىمە قۋانىش­تىمىن! – دەيدى ايگىلى رەجيسسەر. چاك راسسەل وسى ۋاقىتقا دەيىن قازاقستان مەن «قازاقفيلم» كينوستۋدياسى جايلى كوپ ەستىپ جۇرگەن كورىنەدى. «مىڭ رەت ەستىگەنشە – ءبىر رەت كورگەن ارتىق» دەگەندەي, ول ءبىزدىڭ ۇلتتىق كينوستۋديانىڭ «ەۋرازيا» كينوفەستيۆالىنە شاقىرتۋىن قۋانا-قۋانا قابىل الىپتى. وسىلايشا, قادىرلى قوناق ش.ايمانوۆ ات­ىن­داعى «قازاقفيلم» كينوستۋدياسىن ارالاپ, وزىق كينەماتوگرافيالىق تەحنيكالارمەن جابدىقتالعان ءتۇسىرۋ الاڭدارىن, ءتۇرلى قىزمەت اتقاراتىن ستۋديالاردى ءوز كوزىمەن كورىپ شىقتى. سونداي-اق, «قازاقفيلم» كينوستۋدياسى» اق پرەزيدەنتى ەرمەك امانشاەۆپەن كەزدەسىپ, ءوزىنىڭ الداعى كينوجوبالارىنا «قازاق­فيلم­نىڭ» قاتىسۋى ابدەن مۇمكىن ەكەندىگىن العا تارتقان ول بىرقاتار تانىمال اكتەرلارمەن كەزدەسىپ, ءوزىنىڭ جاڭا پەرسوناجدارىنا ساي كەلەتىن ادامداردى كەزدەستىرگەنىن دە ءما­لىم­دەپ ۇلگەرگەن. گولليۆۋدتىق رەجيسسەر جاس قازاق رەجيسسەرى احات ىبراەۆتىڭ كارتي­نا­سى­مەن تانىسىپ, وڭ پىكىر بىلدىرگەن دە كورىنەدى. سونىمەن, الداعى ۋاقىتتا ۇلتتىق كينو­ستۋ­ديامىز الەمنىڭ ايتۋلى رەجيسسەرىمەن ءار­ىپتەستىككە قول جەتكىزەتىن ءتۇرى بار. ال فان­تاستيكالىق كومەديا جانرىن قايتا جاڭ­عىر­تۋدا چاك راسسەل سىندى مايتالمانداردىڭ تاجىريبەسى ەشقاشان ارتىق بولمايدى. ايناش ەسالي, الماتى. سۋرەتتەردە: چاك راسسەل «قازاقفيلم» كينوستۋدياسىندا