2024 جىلى «KOKSHE» اكك» اق 35 قارىز الۋشىعا جالپى كولەمى 11 ملرد تەڭگە نەسيە بەرگەن. ال 2025 جىلى قارجىلاندىرۋ قارقىنى ەداۋىر ارتتى: قازىرگى تاڭدا 160 كاسىپكەر 46,5 ملرد تەڭگە كولەمىندە قاراجاتقا قول جەتكىزدى. بۇل وڭىردەگى اگروبيزنەستىڭ بەلسەندى دامىپ كەلە جاتقانىن كورسەتەدى.
10 كۇندە جەڭىلدەتىلگەن نەسيە: ۇكىمەت بيزنەستى قولداۋدىڭ جاڭا تەتىكتەرىن ازىرلەپ جاتىر
2026 جىلعا جوسپار دا اۋقىمدى. «اگرارلىق نەسيە كورپوراتسياسى» اق مەن «KOKSHE» اكك» اق اۋىل شارۋاشىلىعى تاۋارىن وندىرۋشىلەردى جىل سايىن 35 ملرد تەڭگەگە دەيىن قارجىلاندىرۋدى كوزدەيتىن كرەديتتىك جەلى اشۋ جونىندە نەگىزدەمەلىك كەلىسىم جاساستى. باعدارلامانىڭ باستى ارتىقشىلىعى – جىلدىق 5% مولشەرلەمەمەن بەرىلەتىن نەسيە. سونىمەن قاتار قارىز سوماسىنىڭ 85%-ىنا «دامۋ» كاسىپكەرلىكتى دامىتۋ قورى كەپىلدىك بەرەدى, بۇل شارۋالار ءۇشىن تاۋەكەلدى ايتارلىقتاي ازايتادى.
قازىر اقمولا وبلىسىندا ەگىن جيناۋ ناۋقانىنا دايىندىق قارقىندى ءجۇرىپ جاتىر. فەرمەرلەرگە جانار-جاعارماي, تۇقىم, اۋىل شارۋاشىلىعى تەحنيكاسىنا قاجەتتى قوسالقى بولشەكتەر ساتىپ الۋعا جانە جۇمىسشىلاردىڭ ەڭبەكاقىسىن تولەۋگە قارجى قاجەت. «كەڭ دالا 2» باعدارلاماسى وسى شىعىنداردى دەر كەزىندە جابۋعا مۇمكىندىك بەرىپ, شارۋالاردىڭ ءوندىرىستى ءتيىمدى ۇيىمداستىرۋىنا جاعداي جاسايدى.
«جەڭىلدەتىلگەن نەسيە الىپ بەرەمىن»: استانادا الاياققا ۇكىم شىقتى
ناتيجەسىندە مىڭداعان فەرمەر ءوز شارۋاشىلىعىن كەڭەيتىپ, ونىمدىلىكتى ارتتىرىپ, ەلدىڭ ازىق-ت ۇلىك قاۋىپسىزدىگىن نىعايتۋعا ۇلەس قوسادى.
