پوليتسيانىڭ مالىمەتىنشە, وتكەن جىلى 73 جاستاعى اناسىنا قول كوتەرىپ, باسىن جارعان 40 جاستاعى ازامات زاڭ الدىندا جاۋاپ بەردى. جابىرلەنۋشى ءوز پەرزەنتىنە كەشىرىم بەرگەنىمەن, سوت زاڭ تالاپتارىنا سايكەس قاتىگەزدىك تانىتقان ۇلىن 6 جىلعا باس بوستاندىعىنان ايىردى. بۇدان بولەك, بىلتىر اششى سۋعا سىلقيا تويعان تۇرعىن ءوز اكەسىنىڭ ءومىرىن قيعان.
رەسمي مالىمەتكە سۇيەنسەك, وتكەن جىلى وڭىردە تۇرمىستىق زورلىق-زومبىلىق سالاسى بويىنشا 128 قىلمىستىق ءىس تىركەلسە, بيىلعى جىلدىڭ باسىنان بەرى تاعى 10 دەرەك انىقتالدى. قازىرگى ۋاقىتتا «تۇرمىس» ءىس-شاراسى اياسىندا پوليتسەيلەر ىشكى ىستەر ورگاندارىنىڭ ەسەبىندە تۇرعان ادامداردى تۇرعىلىقتى جەرى بويىنشا جاپپاي تەكسەرىپ, تۇسىندىرمە جۇمىستارىن جۇرگىزىپ جاتىر.
