فوتو: تۋريزم جانە سپورت مينيسترلىگى
پاراليمپيا باعدارلاماسىنا پارا سنوۋبورد, پارا حوككەي, تاۋ شاڭعىسى, ارباداعى كەرلينگ, پارا بياتلون جانە پارا شاڭعى جارىسى ەنگىزىلگەن. ەل قۇراماسى پارا شاڭعى مەن پارا بياتلون بويىنشا سىنعا تۇسەدى. ۇلتتىق قۇرامانىڭ ساپىنا ەربول حاميتوۆ, الەكساندر گەرليتس, سەرگەي ۋسولتسەۆ, يۋري بەرەزين, اننا گراچيوۆا, نۇرلان ءالىم ۇلى جانە ۆلاديسلاۆ كوبال ەندى.
قازىرگى ۋاقىتتا سپورتشىلار شۆەيتساريانىڭ سانكت-موريتس قالاسىندا وقۋ-جاتتىعۋ جيىندارىن وتكىزىپ جاتىر.
ءتورت جىلدا ءبىر رەت ۇيىمداستىرىلاتىن ءدۇبىرلى دودادا 79 مەدال جيىنتىعى ساراپقا سالىنىپ, الەمنىڭ 600-دەن استام سپورتشىسى قاتىسادى.
XIV قىسقى پاراليمپيا ويىندارىنىڭ اشىلۋ سالتاناتى 6 ناۋرىز كۇنى ۆەرونا وليمپيادالىق ارەناسىندا وتەدى.
ايتا كەتەيىك, قازىر يتاليادا ححV قىسقى وليمپيادا ويىندارى ءوتىپ جاتىر. ءدۇبىرلى دودادا قازاقستان ازىرگە 1 التىن مەدال ەنشىلەدى.
