قحا كەڭەسىنىڭ كەڭەيتىلگەن وتىرىسى ءوتتى

قازاقستاندىق قوعامنىڭ التىن قازىعىنا اينالدى ەلورداداعى تاۋەلسىزدىك سارايىندا قازاقستان حالقى اسسامبلەياسى كەڭەسىنىڭ ەل تاۋەلسىزدىگىنىڭ 25 جىلدىعىنا ارنالعان كەڭەيتىلگەن وتىرىسى ءوتتى. وعان مەملەكەتتىك حاتشى گۇلشارا ابدىقالىقوۆا, پارلامەنت ءماجىلىسىنىڭ دەپۋتاتتارى, اسسامبلەيا مۇشەلەرى, قوعام قايراتكەرلەرى, عالىمدار مەن زيالى قاۋىم وكىلدەرى قاتىستى.  «بۇل وتىرىستا اسسامبلەيانىڭ ەلدەگى قوعامدىق-ساياسي تۇراقتىلىقتى قامتاماسىز ەتۋگە جانە ەتنوسارالىق قاتىناستار سالاسىنداعى ءىس-قيمىلدار تيىمدىلىگىن ارتتىرۋعا باعىتتالعان قىزمەتىنە قورىتىندىلار جاسالاتىن بولادى», – دەدى جيىندا سويلەگەن سوزىندە گۇلشارا ابدىقالىقوۆا. سونىمەن قاتار, مەملەكەتتىك حاتشى بيىل باستى ستراتەگيالىق قۇجات­تار – قازاقستاندىق بىرتەكتىلىك پەن بىرلىكتى دامىتۋ جانە نىعايتۋ, سونداي-اق, قحا-نىڭ 2025 جىلعا دەيىنگى دامۋى جونىندەگى تۇجىرىمدامالار ىسكە اسىرىلعانىنا, «ماڭگىلىك ەل» پاتريوتتىق اكتىسى قابىلدانىپ, اسسامبلەيانىڭ ينستيتۋتتىق تۇر­عىدان نىعايتىلعانىنا, ونىڭ جاڭا فۋنكتسيونالدىق باعىتتارىنىڭ جۇزە­گە اسىرىلعانىنا توقتالا كەلە, جالپى العاندا, 2016 جىل قازاق­ستان حالقى اسسامبلەياسى ءۇشىن ماڭىز­دى جىل بولعانىن اتاپ ءوتتى. ءدال وسى جىلى قوعامدىق كەلىسىم مەن مە­ديا­تسيا كەڭەستەرىنىڭ جۇيەسى بەكىتىل­گەنىن, «ۇلكەن ەل – ۇلكەن وتباسى» جالپىرەس­پۋبليكالىق جوباسى مەن اۋقىمدى قايىرىمدىلىق جوبالارى جۇزەگە اسقانىن جەتكىزدى. بۇعان قوسا, گۇلشارا ناۋشا­قىزى «قا­زاقستان جولىن» جاندان­دىرۋ بارى­سىندا قازاقستان حالقى اس­سامب­لەياسى جوسپارلارىن ىسكە اسى­رۋدا ەلب­اسىنىڭ ايرىقشا ءرول ات­قارىپ, تاۋەل­سىزدىكتىڭ 25 جىل­دى­عىنا زور ۇلەسىن قوسقانىن ايتتى. «جاقىندا تاۋەلسىزدىكتىڭ 25 جىلدىعىنا ارنالعان دەكلاراتسيا قا­بىل­داندى. بۇل دەكلاراتسيا پرەزي­دەنت­تىڭ ساياسي كۇش-جىگەرى مەن سترا­تەگيالىق ۇستانىمى قازاق­ستان دامۋىنىڭ ۇلگى­سىن ايعاقتاپ بەرگەنىن كورسەتتى. ال قا­زاقستان حالقى اسسامبلەياسى مەم­لەكەت باسشىسىنىڭ جوبا-جوسپارلارىن جۇزەگە اسىرۋدا ۇلكەن ءرول اتقار­دى. سەبەبى, اسسامبلەيانىڭ بىرتەك­تىلىك پەن بىرلىككە قاتىستى بار­لىق رەفورمالاردى ىلگەرىلەتۋ جانە ءۇي­لەس­تىرۋدەگى ماڭىزى ايرىقشا. ماسەلەن, بيىلعى جىلدىڭ 1 ناۋرىزىن­دا مەملەكەت باسشىسىنىڭ باستاما­سىمەن العاش رەت «العىس ايتۋ كۇنى» بەلگىلەندى. وسى كۇننىڭ شەڭ­بەرىن­دە ۇيىم­داستىرىلعان 10 مىڭعا جۋىق ءىس-شاراعا 3 مىڭنان استام ادام قاتى­سىپ, «قازاقستان حالقىنا مىڭ ال­عىس!» دەپ ءوز جۇرەكجاردى سوزدەرىن ارنادى. بۇلاردان بولەك, قحا باس­تا­ماسىمەن «قايىرىمدىلىق كەرۋەنى» جالپىۇلتتىق اكتسياسى ۇيىمداس­تىرىلىپ, 240 مىڭعا تارتا ازامات 194 ميل­ليون تەڭگە كولەمىندە قارجىلاي كو­مەك الدى», – دەدى مەملەكەتتىك حاتشى. جۇمىس قورىتىندىسى بويىنشا قحا كەڭەسى مەملەكەت باسشىسىنا ارنالعان ۇندەۋ قابىلدادى. ءلايلا ەدىلقىزى, «ەگەمەن قازاقستان»