اگروونەركاسىپ سالاسىنا ينۆەستيتسيا سالادى

الداعى كۇندەرى «المەكس» حول­دينگ­تىك توبى ەۋروپالىق «Staay Food Group» (گوللانديا) كومپانياسىمەن ءبىر­لەسىپ, اۋىل شارۋاشىلىعى سالاسىنا ماماندانعان «Astana Fresh» اتتى ورتاق كاسىپورىن اشا­دى. وسىلايشا گول­لانديالىقتار قازاقستاننىڭ اگرو­ونەر­كاسىپ كەشەندەرىنە ينۆەستيتسيا قۇيۋ­عا شەشىم قابىلدادى. بۇل تۋرالى الماتى قالاسى كاسىپكەرلەر پالاتاسىنىڭ باس­پا­سوز قىزمەتى حابارلادى. «المەكس» اكتسيونەرلىك قوعامى – ەلىمىزدەگى ءىرى قارجىلىق حولدينگ. «قازاق­ستان حالىق بانكى» اق ارقىلى بۇل توپ ۇجىمدىق جانە جەكە كليەنتتەرگە قازاقستان, رەسەي, قىر­عىزستان, گرۋزيا سياقتى ەلدەردە بانك قىز­مەتىن, ال ءوز ەلىمىزدە ساقتاندىرۋ قىزمەتىن ۇسىنىپ ءجۇر. قازىرگى كۇندەرى «المەكس» حولدينگى مەن گوللانديالىق «Staay Food Group» كوم­پانياسى ىنتىماقتاستىق تۋرالى مە­موراندۋمعا قول قويدى. ەندىگى جەردە قازاقستاننىڭ اگروونەركاسىپتىك كەشەنى مەن تاماق ونەركاسىبىندەگى جوبالاردى دامىتۋعا كۇش سالادى. العاشقى كەزەڭدە ەكى تاراپ بىرىگىپ, قازاقستان مەن جاقىن كورشىلەرىمىزدەن جەمىس-جيدەك پەن كوكونىس تاسىمالدايتىن جۇيە قۇرۋ ارقىلى وتاندىق فەرمەرلەرمەن اراداعى ىنتىماقتاستىقتى نىعايتپاق. بۇل باستامانىڭ جىلىجاي مەن اشىق توپىراقتا جەمىس-جيدەك جانە كوكونىس وسىرەتىن وتاندىق اۋىلشارۋاشىلىق ونىمدەرىن وندىرۋشىلەرگە كومەگى كوپ بولادى دەپ كۇتىلۋدە. ەكى تاراپ تا «Astana Fresh» كومپانياس­ى فەرمەرلەر مەن اۋىلشارۋاشىلىق ءونىم­دە­رىن تۇتىناتىن ءىرى كومپانيالاردىڭ ارا­سىن جالعايتىنىنا سەنەدى. پەن «Staay Food Group» كومپانيالارى نارىقتى زەرتتەي كەلە, كەلەشەكتە ورتاق جىلىجاي كە­شەندەرىن, كوتەرمە-ءبول­شەك ساۋدا ور­تا­لىقتارىن سالۋدى, «Staay Food Group» تاجىريبەسىنە, ءبىلىمى مەن جاڭا تەحنولوگياسىنا سۇيەنە وتىرىپ جاڭا پىسكەن جەمىس پەن كوكونىستى وڭدەيتىن كاسىپورىندار اشۋدى كوزدەۋدە. ەكى تاراپتىڭ دا قازاقستاندىق جوعارى ءبىلىم بەرۋ مەكەمەلەرىمەن ارىپتەستىك ورناتۋعا تالپىنىسى بايقالادى, ولار اۋىلشارۋاشىلىق ونىمدەرى مەن تاماق ونىمدەرىن ءوندىرۋ سالالارى بويىنشا بىلىكتى ماماندار دايارلاپ, وتاندىق ءبىلىم وردالارىنىڭ عىلىمي-زەرتتەۋ الەۋەتىن تاجىريبە جۇزىندە پايدالانۋعا پەيىل تانىتىپ وتىر. «المەكس» پەن «Staay Food Group» كومپانياسى قازاقستاندىق فەرمەرلەرمەن قويىن-قولتىق جۇمىس ىستەسە ءىس ناتيجەلى بولادى دەپ ەسەپتەيدى. ايناش ەسالي, «ەگەمەن قازاقستان» الماتى