عاسىرعا پارا-پار عۇمىربايان

قازاقستان رەسپۋبليكاسى پرەزيدەنتىنىڭ ءارحيۆى بەلگىلى مەملەكەت قايراتكەرى, ۇلى وتان سوعىسىنا قاتىسۋشى, سوتسياليستىك ەڭبەك  ەرى, 2017 جىلى 100 جىلدىعى اتاپ وتىلەتىن بايكەن اشىموۆكە ارنالعان دوڭگەلەك ۇستەل وتكىزدى. اۋىلدان شىققان بالا ءتا­لىمدى ىستەردىڭ باستاۋىندا ءجۇردى. بايكەن ءاشىموۆ رەسپۋب­لي­كانىڭ جاۋاپتى باسقارۋشى لاۋازىمدارىن اتقارعان كەزدە حالىققا قىزمەت ەتۋدىڭ بيىك ۇلگىسىن كورسەتە ءبىلدى. 1970–1984 جىلدارى قازاق كسر مينيس­ترلەر كەڭەسىنىڭ توراعاسى بولدى. ونىڭ جەمىستى جۇمىسى كەڭەستىك كەزەڭنىڭ جانە تاۋەل­سىز قازاقستاننىڭ جوعارى مەم­لەكەتتىك ماراپاتتارىمەن اتالىپ ءوتتى. دوڭگەلەك ۇستەلدە بايكەن ءاشى­موۆ تۋرالى «رەكۆيەم» اتتى ەستەلىك كىتاپتىڭ تۇساۋكەسەرى ءوتتى, كىتاپتى جازعان ونىمەن بىرگە قىزمەت ەتكەن نيكولاي كو­­­لينكو – بەلگىلى جازۋشى, قازاق­ستاننىڭ قۇرمەتتى جۋرنا­ليسى. كىتاپ ب.اشىموۆپەن بىرگە قىزمەت اتقارعان قازاق كسر جوعارى پارتيا باسشىلارىنىڭ, دوستارى مەن تۋىستارىنىڭ ەستە­لىكتەرىنەن, ماقالالاردان قۇراستىرىلعان. دوڭگەلەك ۇستەلدى قازاقستان رەسپۋبليكاسى پرەزيدەنتىنىڭ ارحيۆىنە بايكەن ءاشىموۆتىڭ قۇجاتتارىن تاپسىرۋ تۋرالى كەلىسىمشارتقا قول قويۋ قورى­تىندىلادى. ءىس-شاراعا قازاقستاننىڭ بەلگىلى قوعام قايراتكەرلەرى, جو­­عارى وقۋ ورىندارىنىڭ ستۋ­دەنتتەرى قاتىستى. ساپارباي پارمانقۇلوۆ, «ەگەمەن قازاقستان» الماتى