سيرەك سۋرەتتەردەگى ساۋلەلى ساتتەر

استانادا ۇلتتىق مەرەكە – قازاقستاننىڭ تۇڭعىش پرەزيدەنتى كۇنىنە وراي Sputnik قازاقستان اقپاراتتىق اگەنتتىگى جانە راديوسى قازاقستان رەسپۋبليكاسى ۇلتتىق مۇراجايىنىڭ قولداۋىمەن «ەلدى وزگەرتكەن تۇلعا. نۇرسۇلتان نازارباەۆ Sputnik وبەكتيۆىندە» اتتى فوتوكورمەسىن ۇيىمداستىردى. كورمەگە Sputnik تىلشىلە­رىنىڭ 1990 جانە 2016 جىلدار ارالىعىندا تۇسىرگەن قازاق­ستاننىڭ تۇڭعىش پرەزيدەنتى نۇرسۇلتان نازارباەۆتىڭ ومىرىنەن الىنعان ساتتەر بەينەلەنگەن 30-عا جۋىق مۇراعاتتىق سيرەك سۋرەتتەر قوي­ىلىپتى. Sputnik وبەكتيۆىنەن  ەلىمىزدىڭ تۇڭعىش پرەزيدەنتى نۇرسۇلتان نازارباەۆتى رەسمي جانە رەسمي ەمەس ورتادا, ارىپتەستەرى مەن وتباسى مۇشەلەرىنىڭ اراسىندا كورە الاسىزدار. سونداي-اق, كورمەگە كەلۋشىلەر قازاقستان پرە­زيدەنتىنىڭ رەسەي مەملەكەتتىك دۋ­ماسىندا ءسوز سويلەگەن ساتتەرىن, ميحايل گورباچەۆپەن, بوريس ەلتسينمەن, ۆلاديمير پۋتين­مەن, دميتري مەدۆەدەۆپەن كەزدەسۋلەرىنىڭ بەيرەسمي كادرلارىن كورە الادى. 1994 جىلعى قاراشادا وربيتالىق «مير» ستانتسياسىندا عارىشتىق ساپارىن اياقتاعان تالعات مۇساباەۆتى جەردە قارسى الۋدىڭ تاريحي مەزەتتەرىمەن قاتار حالىقارالىق ۇيىمدار سامميتتەرىندە نۇرسۇلتان نازارباەۆتىڭ الەمدىك كوشباسشىلار ورتاسىندا تۇسكەن سيرەك سۋرەتتەرى دە وسىندا ورنالاستىرىلىپتى. كورمە سۋرەتتەرى تاريح بەتتەرىنەن سىر شەرتۋىمەن  جانە ولاردىڭ كوپشىلىگى بۇرىن جاريالانباعان سيرەكتىگىمەن قۇندى بولىپ وتىر. Sputnik قازاقستان ەلىمىزدە 2016 جىلعى قىركۇيەكتەن باستاپ قىزمەت ەتىپ كەلەدى. اگەنتتىك اكتيۆىنە قا­زاق جانە ورىس تىلدەرىندەگى اق­پاراتتىق پورتال, عالامتورلىق راديو جانە جوعارى تەحنولوگيا­لى مۋلتيمەديالىق ءباسپاسوز ورتالىعى كىرەدى. Sputnik قازاقستان ونداعان ەلدەرگە تارالعان حالىق­ارالىق اقپاراتتىق اگەنتتىك پەن راديونىڭ قۇرامداس بولىگى بولىپ تابىلادى. Sputnik قۇرامىنا وتىزدان استام تىلدەگى سايتتار, بالامالى جانە ساندىق راديوحابار, ۇيالى تەلەفوندارعا ارنالعان قوسىمشالار مەن الەۋمەتتىك جەلىلەردەگى پاراقشالار ەنەدى. Sputnik جاڭالىقتار تاسپاسى وقىر­ماندار ءۇشىن اعىلشىن, اراب, يسپان جانە قىتاي تىلدەرىندە تاۋلىك بويى شىعارىلادى. بەرىك سادىر, «ەگەمەن قازاقستان» سۋرەتتى تۇسىرگەن ەرلان وماروۆ,