«Shymkent سity» جوباسىن ىسكە اسىرۋعا «تۇران» شاعىن اۋدانىنان 427 گەكتار جەر ءبولىندى.
ۇلى جىبەك جولىنىڭ بويىنا ورنالاساتىن جاڭا قالانىڭ جوباسىمەن باق وكىلدەرىن تانىستىرۋ ماقساتىندا پرەسس-تۋر ۇيىمداستىرىلدى.
– ينجەنەرلىك-كوممۋنيكاتسيالىق ينفراقۇرىلىم جۇمىستارىن تولىعىمەن اياقتاۋ ءۇشىن بيۋدجەتتەن 6,7 ملرد تەڭگە قارجى بولىنگەن. بيىل ونداعى 1,9 ملرد تەڭگە قارجىسى يگەرىلدى. بۇل جۇمىستاردى 2017 جىلى اياقتاۋ كوزدەلۋدە, – دەيدى قالا اكىمىنىڭ ورىنباسارى ن. كوشەروۆ.
بولاشاق جاڭا قالانىڭ ورتالىق اۋماعىندا بوي تۇزەگەن العاشقى كوپقاباتتى تۇرعىن ۇيلەردىڭ قۇرىلىسى دا اياقتالۋعا جاقىن. 9, 12, 16 قاباتتان تۇراتىن جالپى سانى 316 تۇرعىن ءۇي عيماراتى كەلەر جىلدىڭ سوڭىنا قاراي پايدالانۋعا بەرىلە باستاماق. ءبىر سۇيسىنتەتىن جاعداي, مۇنداعى پاتەرلەرگە ازاماتتار «قولجەتىمدى باسپانا – 2020» باعدارلاماسى اياسىندا «قازاقستاننىڭ تۇرعىن ءۇي قۇرىلىس جيناق بانكى» اق-ى ارقىلى قول جەتكىزە الادى.
باقتيار تايجان,
«ەگەمەن قازاقستان».
وڭتۇستىك قازاقستان وبلىسى.
