ەقدب وسكەمەنگە 37,7 ملرد تەڭگە بولەدى

ەۋروپالىق قايتا قۇرۋ جانە دامۋ بانكى وسكەمەن قالاسىنىڭ جىلۋمەن جابدىقتاۋ جۇيەسىن جاڭعىرتۋعا 5 ملرد تەڭگە بولەدى, دەدى شقو اكىمى دانيال احمەتوۆ ەۋروپالىق قايتا قۇرۋ جانە دامۋ بانكى جانە كونتسەسسيالىق كەلىسىمدەر ارقىلى ىسكە اسىرىلۋى بولجاناتىن ينۆەستيتسيالىق جوبالاردى ىسكە اسىرۋ ماسەلەلەرى بويىنشا كەڭەس بارىسىندا. 2015-2016 جىلدار ارالىعىندا ەۋروپالىق قايتا قۇرۋ جانە دامۋ بانكىمەن 15,4 ملرد تەڭگەگە ءۇش جوبانى قارجىلاندىرۋ تۋرالى كرەديتتىك شارتتارعا قول قويىلدى. سەمەي قالاسىنىڭ سۋمەن جابدىقتاۋ جانە سۋ تارتۋ جۇيەلەرىن جاڭعىرتۋ جوسپارلانىپ وتىر. وسى جوبالاردى قارجىلاندىرۋ جانە ىسكە اسىرۋ 2017 جىلى باستالادى. سونىمەن بىرگە, 2016 جىلى ەقدب-مەن 22,3 ملرد تەڭگە سوماسىنا 5 الدىن الا كەلىسىم جاسالعان. وسىعان بايلانىستى, 5 ملرد تەڭگەگە وسكەمەن قالاسىنىڭ جىلۋمەن جابدىقتاۋ جۇيەسىن, 4,8 ملرد تەڭگەگە وسكەمەن قالاسىنىڭ كوشە جارىقتاندىرۋ جۇيەلەرىن, سونداي-اق 5,1 ملرد تەڭگە سوماسىنا وسكەمەن قالاسىنىڭ اۆتوبۋس پاركتەرىن جاڭارتۋ بويىنشا جۇمىستار باستالدى. ەقدب-مەن قول قويىلعان شارتتار مەن كەلىسىمدەردىڭ جالپى سوماسى 8 جوبا بويىنشا 37,7 ملرد تەڭگەنى قۇرادى.