Air Astana كومپانياسى توكيوعا اۋە رەيسىن باستاي الادى

Air Astana كومپانياسى توكيوعا كەز كەلگەن ۋاقىتتا اۋە رەيسىن باستاي الادى. بۇل تۋرالى بۇگىن قازاقستان-يزرايل ساۋدا-ەكونوميكالىق ىنتىماقتاستىق جونىندەگى كوميسسياسىنىڭ 7-ءشى وتىرىسى اياسىندا باق وكىلدەرىنە سۇحبات بەرگەن ينۆەستيتسيالار جانە دامۋ مينيسترلىگىنىڭ ازاماتتىق اۆياتسيا كوميتەتى توراعاسىنىڭ ورىنباسارى تالعات لاستاەۆ مالىمدەدى. «توكيو بويىنشا بىزدە كەلىسىمگە قول قويىلعان. دەمەك, قۇقىقتىق نەگىز بار دەگەن ءسوز. بۇل رەتتە اپتاسىنا 14 رەيسكە دەيىن ورىندالۋى قاجەت», - دەدى ول. ونىڭ اتاپ وتۋىنشە, قازاقستان مەن جاپونيا اراسىنداعى سايكەسىنشە مەموراندۋمعا تاياۋداعى قر پرەزيدەنتى نۇرسۇلتان نازارباەۆتىڭ توكيوعا رەسمي ساپارى اياسىندا قول قويىلعان. «ول ۇشۋلارعا تولىقتاي قۇقىق بەرەدى. بۇعان دەيىن توكيو اۋەجايى جۇكتەمەسىنىڭ كوپتىگىنە بايلانىستى مۇنداي مۇمكىنشىلىك بولماعان ەدى. ءبىز كەلىسسوزدەر پروتسەسسىن ۇزاق ۋاقىت جۇرگىزىپ, ناتيجەسىندە دەگەنىمىزگە قول جەتكىزدىك. ەندىگى ۋاقىتتا بىزدە توكيونىڭ ناريتا اۋەجايىنا ۇشۋعا مۇمكىندىك بار. بۇعان دەيىن وساكا اۋەجايى بولعان ەدى. ەندىگى ۋاقىتتا بارلىق قۇقىقتىق نەگىز قالىپتاستى. كومپانيا كەز كەلگەن ۋاقىتتا ۇشۋلارىن باستاي الادى», - دەدى لاستاەۆ.