تاۋەلسىزدىكتىڭ 25 جىلدىعى دەكلاراتسياسىنا بايلانىستى اسسامبلەيانىڭ ۇندەۋى

قۇرمەتتى وتانداستار! ارداقتى اعايىن! بۇگىن, قازاقستان حالقى تاريحي وقيعانىڭ – قازاقستان رەسپۋبليكاسى تاۋەلسىزدىگىنىڭ 25 جىلدىعى دەكلاراتسياسىن قابىلداۋدىڭ كۋاگەرى مەن قاتىسۋشىسى بولدى. دەكلاراتسيا, قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان ءابىش ۇلى نازارباەۆتىڭ باسشىلىعىمەن تاۋەلسىز قازاقستاننىڭ قالىپتاسۋ جولى مەن اۋقىمدى جەتىستىكتەرىن, ۇلى دالا ەلىنىڭ «ماڭگىلىك ەل» قۇندىلىقتارى اياسىنداعى جەڭىستەرىن بەينەلەيتىن ماڭىزى ەرەكشە قۇجات بولىپ تابىلادى. وتكەن 25 جىل – بۇل ءبىزدىڭ حالقىمىزدىڭ اسا قىمبات قۇندىلىعىنا اينالعان تاۋەلسىزدىكتىڭ ۇلى جولى, قازاقستاننىڭ ءاربىر ازاماتىنىڭ قوسقان ۇلەسى جانە ەرەن ەڭبەگى. ەلىمىزدىڭ تابىستى دامۋىنىڭ بەرىك ىرگەتاسى مەملەكەت باسشىسىنىڭ قوعامدىق كەلىسىم مەن جالپىۇلتتىق بىرلىك ۇلگىسى ەكەنىن قازاقستان حالقى اسسامبلەياسى ەرەكشە اتاپ وتەدى. تاۋەلسىزدىك جىلدارى ءبىز ەلىمىزدىڭ يگىلىگى ءۇشىن بىرگە, ءبىر وتباسىنداي جۇمىس ىستەدىك. بىرلىك, بەيبىتشىلىك پەن كەلىسىمدى ءبىزدىڭ قوعامنىڭ ادامگەرشىلىك جانە ەتيكالىق نورمالارى رەتىندە قالىپتاستىردىق. تاۋەلسىزدىكتىڭ 25 جىلدىعى دەكلاراتسياسى – بۇل قازاقستاننىڭ قازىرگى جانە بولاشاق ۇرپاقتارىن, ءبىزدىڭ باستى جانە قاستەرلى قۇندىلىعىمىز –ەگەمەندىك پەن تاۋەلسىزدىكتى ساقتاۋ مەن نىعايتۋعا, «ماڭگىلىك ەل» قۇندىلىقتارىن ارداقتاۋعا جانە ارتتىرۋعا شاقىرۋ. ءبىز تاۋەلسىزدىكتىڭ ۇلى جولىن ماڭگىلىك ەتۋ ءۇشىن تاۋەلسىزدىكتىڭ 25 جىلدىعى دەكلاراتسياسىندا كورىنىس تاپقان, استانادا «Tاۋەلسىز قازاقستان» مونۋمەنتىن ورناتۋ يدەياسىن تولىق قولدايمىز. قازاقستان حالقى اسسامبلەياسى تۇڭعىش پرەزيدەنت – ۇلت كوشباسشىسى نۇرسۇلتان ءابىش ۇلى نازارباەۆتىڭ ءبىزدىڭ مەملەكەتىمىزدىڭ قۇرىلىسىنا قوسقان ۇلەسىن كونستيتۋتسيادا اتاپ ءوتۋ باستاماسىن, سونداي-اق, ەلباسىنىڭ اتىن استانانىڭ جانە باسقا دا ماڭىزدى نىسانداردىڭ اتاۋىندا كورسەتۋ تۋرالى باستامانى تولىق قولدايدى. بۇل شەشىم, ەلىمىزدى قۇرۋ مەن تابىستى دامىتۋداعى مەملەكەت باسشىسىنىڭ تاريحي رولىنە قازاقستان حالقىنىڭ بىلدىرەتىن قۇرمەتىنىڭ زاڭدى جانە وبەكتيۆتى كورىنىسى بولىپ تابىلادى. تاۋەلسىزدىكتىڭ 25 جىلدىعى دەكلاراتسياسى, قازاقستاندىقتاردىڭ ەل يگىلىگى مەن «قaزاق­ستان-2050» ستراتەگياسىنىڭ ماقساتتارىنا قول جەتكىزۋ ءۇشىن, ەلباسىنىڭ اينالاسىنا توپتاسۋعا ۇمتىلىستارىن نىعايتا تۇسەدى. ءبىز, بولاشاعى ءبىرتۇتاس ۇلتتىڭ ءال-اۋقاتىن ارتتىرۋدىڭ نەگىزى بولىپ تابىلاتىن ەل بىرلىگىن, بەيبىتشىلىك پەن كەلىسىمدى ءبىزدىڭ ستراتەگيالىق ارتىقشىلىقتارىمىز دەپ سانايمىز. ءبىز, قازاقستان حالقىن تاۋەلسىزدىكتىڭ 25 جىلدىق مەرەيتويىمەن قۇتتىقتايمىز جانە ءاربىر قازاقستاندىقتى قاسيەتتى ۇلى دالا ەلىنىڭ جەرىندە گۇلدەنگەن قازاقستاندى نىعايتۋعا ءوز ەڭبەگىمەن ۇلەس قوسۋعا شاقىرامىز! قازاقستان حالقى اسسامبلەياسىنىڭ كەڭەسى 2016 جىلعى 23 قاراشا