برەندتەر باسەكەسى

ورتالىق كوممۋنيكاتسيالار قىزمەتىندە «حالىق ماركاسى» قازاقستاندىق تاۋارلار مەن قىزمەتتەردىڭ ساپاسىن باقىلاۋ جۇيەسى فەدەراتسياسى» زاڭدى تۇلعالار بىرلەستىگىنىڭ پرەزيدەنتى ريمما تاجىباەۆانىڭ قاتىسۋىمەن ءباسپاسوز كونفەرەنتسياسى ءوتتى. ول ءوز سوزىندە وتاندىق ءونىمنىڭ قازىرگى ۋاقىتتا قارقىندى دامىپ كەلە جاتقانىن ايتتى. «استانادا جاقىندا اشىلعان «حالىق مار­كاسى» ساۋدا ورتالىعى قازاقستاندىق تا­ۋارمەن تولىعۋدا. ءبىر جەرگە ۇلتتىق برەن­دتىك ونىمدەر مەن تاۋارلار توپتاس­تى­رىلۋدا. ولاردى تۇتىنۋشىلاردىڭ قا­­تا­رى كۇن ساناپ ارتىپ كەلەدى. اشىل­عا­­نىنا بىرەر اي عانا بولعان بۇل ساۋدا الا­ڭىنداعى تاۋارلاردىڭ بارلىعى وتان­دىق وندىرۋشىلەردىڭ قولىنان شىققان. مۇن­­­داعى تاۋارلار شەتەلدىك ونىمدەرمەن تەڭ تۇسپەسە, كەم تۇسپەيدى. تاۋارلار ساپا­لى ءارى قولجەتىمدى. «Made in KZ» بەل­گىسى بار ۇلتتىق برەند بۇگىندە ساۋدا نا­رى­عىن­دا ءوز ورنىن ويىپ تۇرىپ الۋدا», دە­دى ر.تاجىباەۆا. ونىڭ ايتۋىنشا, كەشە عانا جاستاناتىن جاستىقتان, جايعاسقان جيھازعا دەيىن شەكارانىڭ ار جاعىنان جەتكىزىلەتىن ەدى. بۇگىنگى جاعداي بولەك. قازاقستاندىق كاسىپكەرلەر سۇرانىستى سارالاپ, ۇسى­نىستى قابىلداپ, تۇتىنۋشىعا ساپاسى جوعارى, ءارى قولجەتىمدى باعامەن ءوز ءونىمىن بەرۋگە ءازىر ەكەنىن دالەلدەپ وتىر. وتاندىق ءونىمنىڭ باسىن قوسقان الاڭنىڭ ارتىقشىلىعى – ساتۋشىلار ورىندى جال­عا الۋ ءۇشىن اقى تولەمەيدى. تاۋارىن تە­گىن قويادى. قازىرگى تاڭدا مۇنداعى تاۋار اينا­لى­مىنىڭ كولەمى 30 ميلليون تەڭگەدەن اس­تى. بۇگىنگە دەيىن بۇل پاۆيلوندا 100 شاق­تى كومپانيا ءوز ورنىن الىپ, ونى 10 مىڭ­نان استام وتاندىق تاۋارمەن تولتىردى. جوسپار – وتاندىق برەندتى تاۋار ءتۇرىن 500-گە جەتكىزۋ. سوندا پاۆيلون 100 مىڭنان استام وتاندىق تاۋارعا تولىعاتىن بولادى. «قازىر ءبىز ەكسپو-2017 قارساڭىندا قالا­نىڭ تۋريستىك كارتاسىنا ەندىك, ءويت­كەنى, كەلۋشى قوناقتاردىڭ ءبارى, سونىڭ ءىشىن­دە شەتەلدىك ازاماتتار قازاقستاندىق ءونىم­دەردى ىزدەيتىن بولادى. اتلمىش كارتاعا تەك وتاندىق ونىمدەر ساتاتىن ساۋدا ورىندارى ەنەدى. وعان دەيىن 7 Duty Free ماركەتى اشىلادى», دەدى ريمما دانابايقىزى. ر.تاجىباەۆانىڭ ايتۋىنشا, ەكسپو­-2017­­ كورمەسىنە وراي, «قازاق­ستان­­دا جا­­­سال­عان» ۇلتتىق برەندتەردى باس­قارۋ اگە­نت­­­تىگىنىڭ «حالىق ماركاسى» 100 برەندىن جا­ساۋ بويىنشا جوباسى ىسكە اسادى. وعان اتاقتى ارتىستەر, سپورتشىلار جانە دەپۋتاتتار قاتىسادى دەپ جوسپارلانۋ­دا. جاڭا 100 قازاقستاندىق برەند ازىق-ت ۇلىك, جيھاز, ۇيگە ارنالعان جابدىقتار, اياق-كيىم, كيىم-كەشەك جانە تاعى باسقا تاۋارلار توپتاماسى بويىنشا اشىلادى. سونداي-اق, ءباسپاسوز ءماسليحاتى بارى­سىندا ماڭعىستاۋ وبلىسىنىڭ قول­داۋى­مەن, وليمپيادانىڭ ەكى دۇركىن كۇمىس ءجۇل­­دەگەرى ادىلبەك نيازىمبەتوۆتىڭ قۇر­­مەتىنە بالالاردىڭ «ZIBROO FOR اDOKA» سپورتتىق كيىمدەرىنىڭ تۇ­ساۋ­كەسەر-تانىستىرۋ ءراسىمى ءوتتى. سۇڭعات ءالىپباي, «ەگەمەن قازاقستان»