ەكى جاققا دا ءتيىمدى بولماق

كەشە پارلامەنت ءماجىلىسىنىڭ توراعاسى ورال مۇحا­مەد­جانوۆ گەرمانيا فەدەراتيۆتىك رەسپۋبليكاسىنىڭ بۋندەس­ت­ا­گى­نان كەلگەن دەلەگاتسيانى قابىلدادى, دەپ حابارلادى وسى پا­لا­تا­نىڭ ءباسپاسوز قىزمەتى. كەزدەسۋدە ءماجىلىس توراعاسى سوڭعى جىلدارى قازاقستان مەن گەرمانيا اراسىنداعى ىنتىماق­تاس­تىق بايلانىستاردىڭ ورىستەي تۇسكەنىن اتاپ ءوتتى. وسى ءسوزىمىزدىڭ دالەلىندەي, 2009 جىلى قازاق­ستان­نىڭ گەرمانياداعى جىلى جانە 2010 جىلى گەرمانيانىڭ قا­زاق ەلىندەگى جىلى تابىستى ءجۇ­زەگە اسقانى انىق. ەكى ەلدىڭ ارا­سىنداعى پارلامەنتارالىق باي­لانىس تا جىلدان-جىلعا نى­عايىپ كەلەدى. 2010 جىلدىڭ قورىتىن­دىسى بويىنشا گەرمانيا قازاق­ستانمەن ساۋدا-ەكونوميكالىق باي­لانىسى التىنشى ورىنعا كوتەرىلدى. «گەرمانيا قازاقستاننىڭ كارى قۇرلىقتاعى جانە ەۋروپالىق وداقتاعى سەنىمدى ارىپتەسى بولىپ تابىلادى», – دەدى ورال مۇحا­مەد­جانوۆ. بۇگىنگى باسقوسۋدا نەگىزىنەن تۇرعىنداردى ازىق-ت ۇلىكپەن قام­تا­ماسىز ەتۋدىڭ جولدارىن زاڭمەن رەتتەۋ جايى ءسوز بولدى. ويتكەنى, بۇل ءححى عاسىرداعى ماڭىزدى ماسەلەگە اينالىپ وتىر. ءوز كەزەگىندە گەرمانيا فەدەراتيۆتىك رەسپۋبليكاسى بۋندەس­تا­گىنىڭ دەپۋتاتى, حدس/حسس فراك­تسياسىنىڭ ازىق-ت ۇلىك, اۋىل شا­رۋاشىلىعى جانە تۇتىنۋ­شى­لار قۇقىعىن قورعاۋ جونىندەگى جۇمىس توبىنىڭ توراعاسى پەتەر بلەزەر مىرزا حالىقتى ازىق-ءتۇ­لىكپەن قامتۋ ماسەلەسىنە ەرەكشە توقتالدى. ول الداعى ۋاقىتتا جەر شارىنداعى حالىقتىڭ سانى 7 ميللياردقا جەتەتىنىن تىلگە تيەك ەتىپ, اۋىل شارۋاشىلىعى ءونى­مىنىڭ وزەكتىلىگى ارتا تۇسەتىنىن جەتكىزدى. سوندىقتان اۋىل شارۋا­شىلىعىنىڭ ءرولى كۇشەيەتىنى ءسوزسىز. وسى ورايدا مەيمان ۇلان-عايىر دالاسى بار, پايدالى قازبا بايلىعى مول قازاقستاننىڭ كەلەشەگى زور ەكەنىن ايتتى. تابيعات بايلىعىن يگەرۋدە گەرمانيانىڭ تاجىريبەسى ەكى ەلگە دە ءتيىمدى بولاتىنى انىق.