چەرنوبىل اپاتى زاردابىن جويۋشىلارعا مونۋمەنت اشىلدى

ەكىباستۇزدا چەرنوبىل اتوم ەلەكتر ستانساسى اپاتىنىڭ زاردابىن جويۋعا قاتىسقان جاۋىنگەرلەرگە ارنالعان مونۋمەنت اشىلدى, دەپ حابارلادى pavlodarnews.kz. كەنشىلەر قالاسىنىڭ اكىمى قايرات نۇكەنوۆ تۇرعىندار مەن اپات زاردابىنا قاتىسۋشىلاردى ايتۋلى شارامەن قۇتتىقتادى. «بيىل چەرنوبىل اپاتىنىڭ ورىن العانىنا 30 جىل تولىپ وتىر. سودان بەرى شيرەك عاسىردان استام ۋاقىت وتسە دە زۇلمات اپاتتىڭ زاردابى ۇمىتىلعان جوق. قازاقستاننان چەرنوبىلگە 32 مىڭنان استام ادام قاتىستى. ولاردىڭ قاتارىندا پاۆلودار وبلىسىنان اتتانعان 1200 جەرلەسىمىز اپات ورىن العان ايماقتى قالىپقا كەلتىرۋگە زور ۇلەس قوستى. ءبىز بۇل ازاماتتاردىڭ ەرلىگىن  ءاردايىم ەستە ساقتايمىز», –­ دەدى قايرات نۇكەنوۆ. «چەرنوبىل وداعى» قب ەكىباستۇز قالالىق فيليالىنىڭ توراعاسى عابدىلحاميت قارجاسوۆتىڭ ايتۋىنشا, چەرنوبىل اتوم ستانساسىنا ەكىباستۇزدان 100 شاقتى ادام اتتانعان. وكىنىشكە وراي, ولاردىڭ جارتىسىنا جۋىعى قايتىس بولعان. قازىر قالادا 53 ارداگەر تۇرادى.