زەينەتاقى جۇيەسىنىڭ ارتاراپتاندىرىلعان مودەلىن ساقتاپ قالۋ ماڭىزدى – د. عاليەۆا

«قازاقستان ءۇشىن زەينەتاقى جۇيەسىنىڭ ارتاراپتاندىرىلعان مودەلىن ساقتاپ قالۋ ماڭىزدى, سەبەبى زەينەتاقى تولەمدەرى كوزدەرىن ءارتاراپتاندىرۋ قاعيداتى قازاقستاننىڭ زەينەتاقى جۇيەسىنە قارجىلىق تۇرعىدان ورنىقتى بولىپ قالۋىنا مۇمكىندىك بەرەدى». ىرىڭعاي جيناقتاۋشى زەينەتاقى قورى جانىنداعى قوعامدىق كەڭەستىڭ كەزەكتى وتىرىسىندا «زەينەتاقى سەكتورىنداعى اعىمداعى احۋال جانە زەينەتاقى اكتيۆتەرىن باسقارۋ تۋرالى» تانىستىرىلىم بارىسىندا ءسوز سويلەگەن قازاقستان ۇلتتىق بانكى توراعاسىنىڭ ورىنباسارى دينا عاليەۆا وسىلاي دەيدى. د. عاليەۆانىڭ ايتۋىنشا, كوپتەگەن ەلدەر زەينەتاقى جۇيەسىنىڭ ارتاراپتاندىرىلعان مودەلىمەن جۇمىس ىستەيدى. «بۇل مودەل ءبىر قاتىسۋشىنىڭ كەمشىلىكتەرىن باسقانىڭ ارتىقشىلىقتارى ەتۋگە مۇمكىندىك بەرەدى», – دەدى ول. د. عاليەۆا حالىقارالىق ستاندارتتاردا زەينەتكەرلەرگە جۇمىس ءوتىلى كەمىندە 35 جىل بولعان جانە اۋدارىمدار جۇيەلى تۇردە جىلىنا 12 رەت جاسالعان كەزدە جوعالتقان جالاقىسىنىڭ كەمىندە 40%-ى "الماستىرۋ كوەففيتسيەنتىمەن" قامتاماسىز ەتىلەتىنىن اتاپ ءوتتى. «قازاقستاندا وسى ستاندارتتارعا سايكەستىك ورتاق جانە بازالىق زەينەتاقىلاردى, بجزق-دان تولەنەتىن تولەمدى, 2023 جىلدان باستاپ شارتتى-جيناقتاۋ قۇراۋىشىنان تولەنەتىن تولەمدى جانە 2030 جىلدان باستاپ بيۋدجەتتەن كەپىلدىك بەرىلگەن ەڭ تومەن زەينەتاقىنى قوسا العاندا, ءار ءتۇرلى قاتىسۋشىلار تاراپىنان تولەنەتىن تولەمدەر ەسەبىنەن قامتاماسىز ەتىلەدى», دەپ ءتۇسىندىردى د. عاليەۆا.