مىندەتتەرىن ادال اتقارادى

پاترۋلدىك-كۇزەت – ەلىمىزدەگى ۇلتتىق ۇلان بولىمشەسىنە قارايتىن قىزمەت ءتۇرى. ولار قالامىزداعى قوعامدىق قاۋىپسىزدىكتى قامتاماسىز ەتەدى. ماسەلەن, №6655 اسكەري بولىمىندەگى جەدەل ماقساتتاعى باتالونىنىڭ جاۋىنگەرلەرى پوليتسيا قىزمەتكەرلەرىمەن بىرگە اقتوبەلىكتەردىڭ تىنىش ءومىرى ءۇشىن قىزمەت اتقارادى. ولاردىڭ ءار كۇنى ءتۇرلى وقيعالارعا تولى. وسى كۇنگە دەيىن اسكەري جاساق كوشەلەر مەن قوعامدىق ورىن­داردا اسا اۋىر قىلمىس­تارعا جول بەرمەدى. بۇعان ءتارتىپ ساقشىلارى مەن اسكەري جاساق قۇرامىنىڭ ناتيجەلى قىزمەتى دالەل. جەكە قۇرام تارتىلاتىن ايماقتاعى قىلمىستىق احۋال جاۋىنگەرلەردى قاجىتا المايدى. ويتكەنى, ولار ءوز ەلىنىڭ ناعىز پاتريوتى رەتىندە اسكەري بورىشتارىنا قاشان دا ادال قارايدى. جەدەل ماقساتتاعى باتالون جاۋىنگەرلەرىنىڭ پاترۋلدىك كۇزەت قىزمەتى كۇندەلىكتى ساعات 16.30-دا ارنايى كيىم مەن قا­جەتتى جابدىقتاردى الۋدان باس­تالادى. ساعات 17.00-دە نۇس­قاۋ العان جاساق اسكەري قىزمەت­تەرىنە كىرىسەدى. اسكەري قۇرام الدىن الا بەلگى­لەنگەن مارشرۋتتارعا ءبولى­نەدى. ءبىز دە سولاردىڭ ءبىرى – لەيتەنانت ەراسىل ىقتىباەۆتىڭ ۆزۆودىمەن بىرگە كەزەكشىلىككە شىقتىق. قىزمەتتىك «گازەل» كولىگىنە مىنگەن اسكەريلەر شا­ھار كوشەلەرىن «بارلاۋعا» ال­دى. كولىكتەگى راتسيا قالانىڭ ءوز­گە اۋداندارىندا ورىن ال­عان قۇقىق بۇزۋشىلىقتار تۋ­را­لى ۇزدىكسىز بايانداۋدا. جۇمىس بارىسىندا كوشەدە سپيرت­تى ءىشىم­دىك ءىشىپ وتىرعان ەر-ازامات­تارعا جو­لىقتىق. وزدەرىنە جاقىن­داعان پاترۋل­دىك كۇزەتتى كورگەن بويدا ولار قارالارىن باتىرىپ ۇلگەردى. بىراق قاتارداعى ساربازدار ارمان جول­داسبەكوۆ پەن الەك­ساندر شكودا الگى اششى سۋعا ەلىتكەن ءتارتىپ بۇزۋشىلاردى قۋىپ جە­تىپ, قولعا ءتۇسىردى. ولار­عا ءتار­تىپ ساقشىلارى اكىم­شىلىك قۇ­قىق بۇزۋ­شىلىق تۋرالى حاتتاما تولتىردى. بۇدان كەيىن اسكەري جاساق­پەن بىرگە قالاداعى اۆتوبەكەتكە باعىت الدىق. وسى مەزەتتە «شىعىس» بازارى ماڭىندا ەكى جىگىتتىڭ جانجالداسىپ قالعانى تۋرالى حابار ءتۇستى. اسكەري جاساقپەن سول جاققا اتتاندىق. ماسايىپ العان ەكەۋدىڭ جانجالى, راسىمەن دە, شەكتەن شىعىپ كەتىپتى. ولار پوليتسيا بەكەتىنە جەتكىزىلدى. ال كەشكىسىن قالاداعى تۇنگى كلۋبتاردىڭ بىرىنەن شىققان شۋ دا اسكەري جاساقتىڭ كومەگى­مەن رەتتەلدى. بۇل جەردە دە ءىشىم­­دىك­كە ماسايعان جا­ستار ءدو­رە­كى­لىك تانىتىپ, اينالا­سىن­دا­عى ادام­داردى بالاعاتتاعان. قو­عام­­­­دىق ءتارتىپتى بۇزعان جىگىت­­­ت­ەر اق­توبە قالالىق ىشكى ىستەر باس­­­قار­­ماسىنا جەتكىزىلىپ, ولار­عا اكىم­­­­شى­لىك حاتتاما تولتىرىلدى. ۋاقىت تۇنگى 22.30-عا تايا­­عاندا قوعامدىق ءتارتىپتى بۇز­­عان تاعى ءبىر ماس جىگىت نازار­­عا ىلىكتى. نۇسقاۋ بويىن­شا ارەكەت ەتكەن ساربا­زدار بۇل وقيعا تۋرالى كەزەك­شى­گە حابار­لادى. اسكە­ري قىزمەت­كەر­­لەردەن قاش­پاق بولعان بۇزىق­تى جونگە سال­عان جاساق ونى سول اۋدان­داعى ۋچاسكەلىك بەكەتكە جەتكىزدى. جۇرت­تىڭ تىنىشتىعىن بۇز­عان جاستىڭ قالتاسىن تەكسەرۋ كەزىندە پى­شاق تابىلدى. دە­مەك, اسكە­ري جاساق ونىڭ قان­داي دا ءبىر قاتەلىككە ۇرىن­باۋى­نا توسقاۋىل بولدى دەگەن ءسوز. – قالالىقتار مادەنيەتتى ءجۇ­رىپ-تۇرۋعا ادەتتەنىپ كەلەدى. ەكى جىل بۇرىن ادامدار كوشەگە قو­قىس, باسقا دا قالدىقتاردى ءجيى تاس­ت­اي­تىن. ال قازىر مۇن­داي ءتار­تىپ­سىز­دىك تىيىلدى. ونىڭ ءۇس­تى­نە, قازىر ازاماتتار قوعام­دىق ورىن­دا تەمەكى شەك­پەيدى. كوشە قىل­مىسى ازايا تۇسكەن. وسىن­داي جەتىستىكتەرگە پوليتسيا قىز­مەتىمەن بىرگە ءبىز دە ءوز ۇلە­سى­مىزدى قوسۋدامىز, – دەي­­دى 6655 اسكەري ءبولىمى­نىڭ جەدەل ماق­­سات­تاعى 2-روتا كو­مان­ديرى­نىڭ ءتا­ر­بيە جانە الەۋ­مەتتىك-قۇ­قىق­­تىق جۇمىستار جونىندەگى ورىن­­با­سارى, لەيتەنانت ەراسىل ىقتىباەۆ. – ءبىزدىڭ جىگىتتەر قىزمەتتىك مىندەتتەرىن ورىنداۋدا ءار­كەز قىراعىلىق تانىتادى. پات­رۋلدىك كۇزەت قىزمەتىنە ءتار­تىپتى, جاۋاپتى اسكەريلەر قا­بىل­­دانادى. ساربازدار بوس ۋا­قىت­تارىندا اسكەري جارعىنى قولعا الىپ, اكىمشىلىك جانە قىلمىستىق كودەكستەردى, كۇزەت قىزمەتكەرلەرىنىڭ مىندەتتەرىن وقيدى. بولىمشەلەردىڭ كومان­دير­لەرى ءاردايىم ولارعا قىز­مەت كەزىندە قوعامدىق ورىن­داردا ءوزىن قالاي ۇستاۋ كەرەك­تىگىن ۇيرەتەدى. ايتا كەتەر­لىگى, ءبىز قالالىق جانە وبلىس­تىق ىشكى ىستەر ورگاندارى باسشىلىعىمەن تىعىز بايلانىستامىز, – دەدى 6655 اسكەري ءبولىمىنىڭ كومانديرى, پودپولكوۆنيك ەركىن جاڭابەرگەنوۆ. ەربولات سۇلتانوۆ, پودپولكوۆنيك اقتوبە