كەمەل كەلەشەككە سەنىمدى قادام

الماتىداعى د.ا.قوناەۆ اتىنداعى ەۋرازيالىق زاڭ اكادەمياسىندا اتالعان وقۋ ورنىنىڭ «قازاقستان حالقى اسسامبلەياسى» كافەدراسىنىڭ ۇيىتقى بولۋىمەن رەسپۋبليكالىق سەمينار ءوتتى. شارانىڭ ماقساتى – ەلباسى ۇسىنعان جاڭا رەفورماداعى وزەكتى ماسەلەلەردىڭ ماڭىزىنا ءمان بەرۋ. جيىنعا قازاقستان حالقى اسسامبلەياسى توراعاسىنىڭ ورىنباسارى لەونيد پيتالەنكو, اتالعان وقۋ ورنىنىڭ باسشىلىعى مەن قىزمەتكەرلەرى, ەتنومادەني بىرلەستىك مۇشەلەرى, سونداي-اق باق وكىلدەرى قاتىستى. كونستيتۋتسيالىق رەفورما – ەل احۋالىن جاقسارتۋدىڭ داڭ­عىل جو­لى. بۇگىنگى جيىندا باس قوس­قان عا­لىمدار پارلامەنت پەن ۇكى­مەتتىڭ الەۋ­مەتتىك-ەكونوميكالىق باع­دار­لاما­لاردىڭ ىسكە اسۋىنا تىكەلەي جاۋاپ­تى بولۋى – ولاردىڭ قۇ­زى­رە­تىن ارتتىرىپ قانا قويماي, جاۋاپ­­­كەر­­­شىلىگىن كۇشەيتەتىنىن ايتتى. جا­ڭا ەنگىزىلگەن وزگەرىستەر الداعى ۋا­­قىتتا مەملەكەتتىڭ الەۋ­مەت­تىك-ەكو­نوميكالىق دامۋىنا جول اشاتىن بەرىك كوپىر بولماق. زاڭ عىلىمدارىنىڭ دوكتورى ءومىرالى جالايري: «كونستيتۋتسياعا زامان تالابىنا ساي وزگەرىستەر ەنگىزۋ – ۋاقىت تالابى. العا جىلجۋ ءۇشىن وسىنداي ماڭىزدى قادامعا بارۋ ارقىلى ناقتى ماقساتتاردى ايقىنداۋ كەرەك. سوندىقتان بۇل ءبىر قاتىپ قالعان دۇنيە ەمەس. قوعامدىق قاتىناستاردىڭ دامىعانىنا بايلانىستى كونستيتۋتسياعا دا ءوز­گە­رىستەر مەن تولىقتىرۋلار ەنگىزۋگە بولادى. سوندىقتان دا ەلباسىنىڭ باستاماسىمەن كونستيتۋتسياعا وزگە­رىستەر مەن تولىقتىرۋلار ەنگىزىلدى. ءبىر ايتا كەتەرلىگى, ەنگىزىلگەن وزگەرىس­تەر مەن تولىقتىرۋلار جالپى­حالىق­تىق بىرلىك پەن كەلىسىمگە, ازامات­تارىمىزدىڭ جاقسى ءومىر سۇرۋىنە نەگىزدەلگەن», – دەدى ءوزىنىڭ سوزىندە. «تاۋەلسىزدىك العان 25 جىل ءىشىن­دە قازاقستان سىرتقى جانە ىشكى سايا­ساتتا كوپتەگەن جەتىستىكتەرگە جەتىپ, اتىن الەمگە تانىتتى. مەم­لە­كەت­تىك باسقارۋدىڭ بيىك ساتىسىن باعىن­دىردى. بيزنەس پەن ءوندىرىستىڭ جان-جاقتى دامۋىنا مۇمكىندىك جاسادى. ۋاقىت تالابىنا ساي قازاقستان حال­­قى اسسامبلەياسى ەلدەگى ەلەۋلى وقي­­عا­لاردان تىس قالعان ەمەس. ەلبا­­سى ۇسىنعان جاڭا رەفورمانى تالقىلاۋ كەزىندە قازاقستان حالقى اسسام­بلەيا­سىنىڭ ۇيىمداستىرۋىمەن 400-دەن استام ءىس-شارا وتكىزىلدى. ەلبا­سى ناقتىلاعان باسىم باعىتتار مەم­لەكەتتىك باسقارۋدىڭ تيىمدىلىگىن ارت­تىراتىنى ءسوزسىز. ەلدىڭ ەكونومي­كالىق جانە ساياسي ءومىرىنىڭ دامىپ, حالقىمىزدىڭ ءال-اۋقاتىنىڭ ارتۋىنا دا سەپتىگىن تيگىزبەك. مۇنداي جۇيە – الەمنىڭ دامىعان دەموكراتيالىق قۋاتتى ەلدەرىنە ءتان. ءبىزدىڭ ەلىمىز دە ءوزىن بۇكىل الەمگە دەموكراتيالىق, قۇقىقتىق مەملەكەت رەتىندە تانىتاتىن بولادى. قابىلدانعان تۇپكىلىكتى شەشىم مەملەكەتىمىزدىڭ يگىلىگى جولىندا ءوز جەمىسىن بەرەدى دەپ سەنەمىز», – دەدى لەونيد پيتالەنكو. جيىنعا قاتىسۋشى عالىمدار ەنگىزىلگەن وزگەرىستەر مەن تولىق­تىرۋلار ەلىمىزدى دامىتىپ, كەمەل كەلەشەككە دەگەن سەنىمىمىزدى نىعاي­تاتىنىن اتاپ كورسەتتى. ارمان وكتيابر, جۋرناليست